Jharkhand Election 2024 Voting :جھارکھنڈ میں دوپہر ایک بجے تک 38 سیٹوں پر 47.92 فیصد ہو چکی ہے ووٹنگ

جھارکھنڈ میں 38 سیٹوں پر ووٹنگ شروع ، سی ایم ہیمنت سورین، بابو لال مرانڈی سمیت کئی لیڈر انتخابی میدان میں

بدھ کو جھارکھنڈ میں انتخابی جنگ کے دوسرے اور آخری مرحلے کے لیے منچ تیار کیا گیا ہے۔ 38 سیٹوں کے لیے ووٹنگ صبح 7 بجے شروع ہوگی ہے۔جھارکھنڈ میں صبح 11 بجے تک 38 سیٹوں پر 31.37 فیصد ووٹنگ ہو چکی ہے۔ جھارکھنڈ میں جہاں ایک طرف جے ایم ایم-کانگریس-آر جے ڈی اتحاد جھارکھنڈ میں اقتدار برقرار رکھنے کی کوششوں میں مصروف ہیں تو وہیں دوسری جانب بی جے پی کی قیادت والی این ڈی اے حکومت سازی کی ہرممکن جہد و جہد کر رہی ہے ۔ آخری مرحلہ جھارکھنڈ کے وزیر اعلیٰ ہیمنت سورین، ان کی اہلیہ کلپنا سورین اور اپوزیشن لیڈر امر کمار بوری (بی جے پی) کے علاوہ 500 سے زیادہ دیگر امیدواروں کی قسمت کا فیصلہ ہوگا۔

بابولال مرانڈی اور اسپیکر رویندر ناتھ مہتو بھی انتخابی میدان میں ہیں

سی ایم سورین اور ان کی اہلیہ کے علاوہ، اس راؤنڈ کے امیدواروں میں نمایاں طور پر ریاستی بی جے پی صدر اور سابق سی ایم بابولال مرانڈی، اسمبلی اسپیکر رویندر ناتھ مہتو (جے ایم ایم) اور بی جے پی کے اتحادی اے جے ایس یو پارٹی کے سربراہ سدیش مہتو شامل ہیں۔

ووٹنگ شام 5 بجے تک ہوگی

ذرائع کے مطابق بدھ کی صبح 7 بجے 14,218 پولنگ اسٹیشنوں پر ووٹنگ شروع ہوگی اور شام 5 بجے تک جاری رہے گی۔ کل 1.23 کروڑ ووٹر بشمول 60.79 لاکھ خواتین بدھ یعنی آج کو ووٹ ڈالیں گی۔ کل ملا کر 528 امیدوار – 472 مرد، 55 خواتین اور ایک ٹرانس جینڈر – میدان میں ہیں۔ جن 38 سیٹوں پر فائنل راؤنڈ میں ووٹنگ ہو رہی ہے، ان میں سے اٹھارہ سنتھل پرگنہ علاقے کی ہیں، جس میں چھ اضلاع گوڈا، دیوگھر، دمکا، جمتارا، صاحب گنج اور پاکور شامل ہیں۔

بی جے پی-جے ایم ایم نے ان مسائل کو اٹھایا

جے ایم ایم کی زیرقیادت اتحاد اپنی فلاحی اسکیموں کی بنیاد پر اقتدار کو برقرار رکھنے کی کوشش کر رہا ہے، جب کہ بی جے پی نے ہندوتوا، بنگلہ دیش سے دراندازی اور موجودہ حکومت کی بدعنوانی کے ایشوز اٹھا کر الیکشن میں قدم رکھا ہے۔ دوسری طرف برسراقتدار حکومت نے فلاحی اسکیموں کا وعدہ کرکے ووٹروں کو راغب کرنے کی کوشش کی۔

چیف الیکٹورل آفیسر کے روی کمار نے کہا کہ ووٹنگ کی تمام تیاریاں مکمل کر لی گئی ہیں اور پولنگ عملہ کو تمام بوتھس پر روانہ کر دیا گیا ہے۔ انہوں نے کہا کہ ماڈل ضابطہ اخلاق کے نفاذ کے بعد سے تقریباً 200 کروڑ روپے کا غیر قانونی مواد اور نقدی ضبط کی گئی ہے۔ کمار نے کہا کہ ماڈل ضابطہ اخلاق کی خلاف ورزی سے متعلق 90 مقدمات درج کیے گئے ہیں۔

بھارت ایکسپریس

Abu Danish Rehman