Wayanad By Election Voting: وایناڈ لوک سبھا ضمنی انتخاب کے لیے ووٹنگ شروع، پرینکا گاندھی اور بی جے پی کی نویا  ہری داس کے درمیان سیدھا مقابلہ

کیرالہ کی وایناڈ لوک سبھا سیٹ پر ہونے والے ضمنی انتخاب کے لیے ووٹ ڈالنے کے لیے لوگ پولنگ اسٹیشن پر قطار میں کھڑے ہیں۔ کیرالہ کی وایناڈ لوک سبھا سیٹ پر ضمنی انتخاب کے لیے ووٹنگ صبح 7 بجے شروع ہو گئی ہے۔ یہ سلسلہ شام 5 بجے تک جاری رہے گا۔ کانگریس لیڈر پرینکا گاندھی اپنا سیاسی کیریئر وایناڈ لوک سبھا سیٹ سے شروع کر رہی ہیں۔ پرینکا کا مقابلہ بی جے پی کی  نویا ہری داس اور بائیں بازو کے اتحاد ایل ڈی ایف سے Sathyan Mokeri سے ہے۔ پرینکا گاندھی اور بی جے پی کی نویاہری داس کے درمیان سیدھا مقابلہ ہونے کی بات کہی جارہی  ہے۔

آج آپ کا دن ہے، ووٹ ضرور کریں- پرینکا گاندھی

کانگریس امیدوار پرینکا گاندھی نے کیرالہ کی وایناڈ لوک سبھا سیٹ پر ہونے والے ضمنی انتخاب کے لیے ووٹروں سے خصوصی اپیل کی ہے۔ انہوں نے ایکس  لکھا”میرے پیارے بھائیو اور بہنو، آج آپ کا دن ہے، یہ وہ دن ہے کہ آپ اپنی پسند کا انتخاب کرنے اور ہمارے آئین کی طرف سے آپ کو دی گئی سب سے بڑی طاقت کا استعمال کرنے کا دن ہے ۔ “آئیں ہم سب مل کر ایک بہتر مستقبل کی تعمیر کریں۔

ملک کی 10 ریاستوں میں آج ضمنی انتخابات ہو رہے ہیں۔ اس میں کیرالہ کی وایناڈ کی لوک سبھا سیٹ کے ساتھ ساتھ مختلف ریاستوں کی 31 اسمبلی سیٹیں شامل ہیں۔ ان میں سے کچھ سیٹیں ایم ایل اے کے لوک سبھا الیکشن جیتنے کے بعد خالی ہو گئی تھیں، جب کہ کچھ سیٹوں پر ایم ایل اے کی موت ہو گئی تھی۔ آج ہونے والے ضمنی انتخابات میں وایناڈ الیکشن بہت اہم ہے، جہاں سے کانگریس جنرل سکریٹری پرینکا گاندھی پہلی بار الیکشن لڑ رہی ہیں۔ 32 سیٹوں پر ہونے والے ضمنی انتخابات کو بی جے پی اور کانگریس کے لیے ایک بڑے لٹمس ٹیسٹ کے طور پر دیکھا جا رہا ہے۔

14 لاکھ ووٹرز امیدواروں کی قسمت کا فیصلہ کریں گے

وایناڈ کے ووٹر آج ضمنی انتخاب میں فیصلہ کریں گے کہ کانگریس جنرل سکریٹری پرینکا گاندھی واڈرا کا فعال پارلیمانی سیاست میں آنے کا خواب پورا ہوگا یا نہیں۔ راہل گاندھی کے وایناڈ سیٹ چھوڑنے کی وجہ سے یہاں ہونے والے ضمنی انتخاب میں تقریباً 14 لاکھ ووٹر امیدواروں کی قسمت کا فیصلہ کریں گے۔ اس کے علاوہ کیرالہ کی چیلاکارا اسمبلی سیٹ پر بھی ضمنی انتخاب ہوگا۔

بھارت ایکسپریس