Uttarakhand Shocker- Minor Girls Abused, Assaulted In Bageshwar: باگیشور میں نابالغ لڑکیوں کے ساتھ گالی گلوچ ،مار پیٹ چھیڑ چھاڑ کا ویڈیو وائرل، انہیں ایک کمرے میں بند کر کے  بنایا مرغا

اتراکھنڈ کے دہرادون سے ایک سنسنی خیز معاملہ سامنے آیا ہے۔ یہ معاملہ دہرادون کے باگیشور ضلع کے کپکوٹ کا ہے۔ یہاں ایک بند کمرے میں دو نوعمر لڑکیوں (نابالغ بچیاں) سے بدسلوکی، مرغا  بنانے ، تھپڑ مارنے اوران کی پٹائ کی ویڈیو سوشل میڈیا پر تیزی سے وائرل ہو رہی ہے۔

اس وائرل ویڈیو کا نوٹس لیتے ہوئے باگیشور ضلع کی کپکوٹ پولیس نے چار نوجوانوں کے خلاف پوکسو ایکٹ کے تحت مقدمہ درج کیا ہے۔ کوتوالی پولیس نے اس معاملے میں ایک ملزم کو گرفتار بھی کیا ہے۔ پولیس دیگر ملزمان کی تلاش کر رہی ہے۔

لڑکی کے گھر والوں نے شکایت درج کرائی

وائرل ویڈیو میں واضح طور پر دیکھا جا سکتا ہے کہ ایک نوجوان دو نوعمر لڑکیوں کو گالیاں دیتا اور تھپڑ مارتا ہے اور انہیں مرغا بنا کرغیرانسانی سلوک کررہاہے،جب اس غیر انسانی واقعے کی ویڈیو سوشل میڈیا پر تیزی سے وائرل  ہونے لگی تو نوعمر لڑکی کے اہل خانہ نے کپکوٹ پولیس اسٹیشن میں شکایت درج کرائی۔ لکی کٹھایات، یوگیش گڈھیا، تنوج گڈھیا اور دکش فرسواں کو ملزم بنایا گیا ہے۔اہل خانہ نے نوجوانوں پر چھیڑ چھاڑ، مارپیٹ اور جان سے مارنے کی دھمکی دینے کے سنگین الزامات لگائے ہیں۔

شکایت کی بنیاد پر، کپکوٹ پولیس نے تعزیرات ہند کی دفعہ 74، 115 (2)، 352، 351 (2) بی این این ایس (انڈین پینل کوڈ، 2023) اور جنسی جرائم سے بچوں کے تحفظ (پی او سی ایس او) ایکٹ کی دفعہ 7/8 کے تحت مقدمہ درج کیا ہے۔ پولیس نے معاملے کو سنجیدگی سے لیتے ہوئے تحقیقات شروع کر دی ہے۔
ایک ملزم گرفتار، تین موقع سے فرار

جیسے ہی ملزمین کو پولیس کی کارروائی کی بھنک ملتے ہی، انہوں نے فرار ہونے کی کوشش شروع کردی۔ اطلاع ملی تھی کہ ملزم یوگیش گڈھیا، لکی کتھایات اور دکش فرسواں ایک کار میں ضلع سے فرار ہونے کی کوشش کر رہے تھے۔ اس دوران کوتوالی پولیس نے کارروائی کرتے ہوئے انہیں ضلع ہیڈکوارٹر کے منڈل سیرا بائی پاس پر گھیر لیا۔ اس دوران یوگیش گڈھیا کو پولیس نے پکڑ لیا، جب کہ لکی اور دکش موقع سے فرار ہو گئے۔ پولیس نے فرار کے لیے استعمال ہونے والی کار کو قبضے میں لے لیا ہے۔

کپکوٹ تھانہ انچارج نے بتایا کہ مفرور ملزمان کی تلاش کے لیے ٹیمیں تشکیل دے دی گئی ہیں۔ انہیں جلد گرفتار کر لیا جائے گا۔ انہوں نے کہا کہ نوعمر لڑکیوں کے ساتھ یہ واقعہ قابل مذمت ہے اور مجرموں کو کسی صورت بخشا نہیں جائے گا۔

اس واقعہ سے علاقہ میں غم و غصہ کا ماحول ہے۔ مقامی لوگوں نے ملزم نوجوانوں کو سخت سزا دینے کا مطالبہ کیا ہے۔ ساتھ ہی پولیس نے لوگوں سے اپیل کی ہے کہ وہ وائرل ویڈیو کو شیئر کرنے سے گریز کریں اور تحقیقات میں تعاون کریں۔

بھارت ایکسپریس اردو