Suhel Seth Criticizes Biden’s Pardon Of Hunter Biden: امریکی نظام انصاف پر سہیل سیٹھ کا طنز، جو بائیڈن کے بیٹے ہنٹر بائیڈن کو معافی دینے اور اڈانی معاملے پر کی تنقید

بزنس کنسلٹنٹ سہیل سیٹھ نے پیر کو امریکی صدر جو بائیڈن کی جانب سے اپنے بیٹے ہنٹر بائیڈن کو غیر مشروط معافی پر تنقید کرتے ہوئے اسے امریکی نظام انصاف کا مذاق اڑایا اور کہا کہ اس سے نظام انصاف کی ساکھ پر سوالات اٹھتے ہیں۔ انہوں نے اڈانی کیس میں امریکی محکمہ انصاف کے کام کاج کو بھی نشانہ بنایا اور اسے سیاسی مداخلت کا نتیجہ قرار دیا۔

اے این آئی سے بات کرتے ہوئےسہیل سیٹھ نے کہا، “جو بائیڈن نے خود کہا تھا کہ امریکی نظام انصاف سیاست سے متاثر ہے، تو اس نظام پر کون بھروسہ کرے گا؟” انہوں نے یہ بھی کہا کہ بائیڈن کے بیان سے یہ واضح ہوتا ہے کہ امریکی عدلیہ میں سیاست کا گہرا اثر ہے۔ “اگر صدر بائیڈن خود اس نظام پر سوال اٹھا رہے ہیں تو عام شہریوں کو کیسے اعتماد ہو سکتا ہے؟”

سیاسی اثر و رسوخ میں کام کر رہا ہے

امریکی محکمہ انصاف پر الزام لگاتے ہوئے سہیل سیٹھ نے کہا کہ یہ محکمہ اب مکمل طور پر سیاسی اثر و رسوخ میں کام کر رہا ہے، خاص طور پر ڈونلڈ ٹرمپ کے معاملے میں اس کے یو ٹرن کے بعد، انہوں نے کہا کہ امریکی محکمہ انصاف  کو پوری طر ح سے  ہتھیار بنا دیا گیا ہے ، ہم نے دیکھا کہ ٹرمپ کیس میں کیا ہوا، اور اب اس جج نے بھی کیس واپس لے لیا ہے۔ یہ مکمل طور پر گڑبڑ ہے۔”

سہیل سیٹھ نے اڈانی گروپ کیس پر بھی سوالات اٹھاتے ہوئے کہا کہ امریکی استغاثہ کی جلد بازی سے ہندوستان کی حالیہ اقتصادی کامیابی کے خلاف سیاسی مقاصد کی عکاسی ہوتی ہے۔

سہیل سیٹھ نے کہا، “اڈانی گروپ ہندوستان میں کام کر رہا ہے، جہاں میں ریگولیٹری نظام کو دنیا میں بہترین مانتا ہوں۔ لیکن امریکی تحقیقات سے پتہ چلتا ہے کہ یہ سیاسی کھیل ہے، انصاف کا نہیں۔

اس کے ساتھ ہی سیٹھ نے یہ بھی دلیل دی کہ اگر صدر بائیڈن کو لگتا ہے کہ ان کے بیٹے کے ساتھ سلوک غیر منصفانہ تھا تو پھر وہ دیگر ہندوستانی کمپنیوں اور ان کے خلاف امریکی عدالتی نظام کے فیصلوں کے بارے میں کس طرح جائز قرار دے سکتے ہیں۔ ’’اگر یہ ان کے بیٹے کے لیے ناانصافی ہے تو کسی بھی ہندوستانی کمپنی کے لیے یہ کیسے منصفانہ ہو سکتا ہے؟‘‘

انہوں نے امریکی نظام انصاف کی ستم ظریفی پر بھی زور دیا اور کہا، ’’امریکیوں کو یہ سمجھ لینا چاہیے کہ وہ ایک ‘جمہوریہ’ میں رہ رہے ہیں جس کی سلطنت ٹوٹ رہی ہے۔

امریکی صدر جو بائیڈن نے اتوار کے روز اپنے بیٹے ہنٹر بائیڈن کے لیے معافی نامے پر دستخط کیے، جو بندوق جرائم اور ٹیکس کی خلاف ورزیوں کے لئے ملزم ثابت کیا گیا تھا۔ اس معافی کا مطلب ہے کہ ہنٹر بائیڈن کو ان الزامات کی سزا نہیں دی جائے گی اور ان کے جیل جانے کا امکان ختم ہو گیا ہے۔ بائیڈن نے اپنے بیٹے کے خلاف الزامات کا جواب یہ استدلال دیتے ہوئے دیا کہ اسی طرح کے معاملات میں دوسروں کو عام طور پر غیر مجرمانہ حل ملتا ہے۔

بائیڈن نے یہ بھی واضح کیا کہ وہ محکمہ انصاف کے فیصلوں میں مداخلت نہیں کریں گے، لیکن ان کا خیال ہے کہ ان کے بیٹے پر “منتخب اور غیر منصفانہ طور پر مقدمہ چلایا گیا۔”

بھارت ایکسپریس