Major railway accident in West Bengal: سکندرآباد شالیمار سپر فاسٹ ایکسپریس ٹرین کی3 بوگیاں پٹری سے اتریں،ریسکیو آپریشن جاری

مغربی بنگال کے ہاوڑہ میں ٹرین حادثہ پیش آیا ہے۔ سکندرآباد شالیمار سپر فاسٹ ایکسپریس کی صبح تقریباً 5.30 بجے ہاوڑہ کے نول پور میں ٹرین کی 3 بوگیاں پٹری سے اتر گئیں ۔ ابھی تک کسی جانی نقصان کی کوئی خبر نہیں ہے۔

کئی مسافروں کو معمولی چوٹیں آئی ہیں۔ ریلوے حکام موقع پر پہنچ گئے ہیں اور مسافروں کو پٹری سے اترنے والی بوگیوں سے نکالا جا رہا ہے۔ ریلوے کے مطابق کوئی بڑا نقصان نہیں ہوا ہے۔ ابھی تک کوئی جانی نقصان نہیں ہوا ہے اور صرف ایک یا دو مسافروں کو معمولی چوٹیں آئی ہیں۔

سی پی آر او ساؤتھ ایسٹرن ریلوے نے کہا، ‘22850 سکندرآباد شالیمار سپر فاسٹ ایکسپریس کے کل 3 ڈبے پٹری سے اتر گئی، جن میں ایک پارسل وین اور 2 ڈبے شامل ہیں۔’ ریلوے نے کہا کہ سانتراگچی اور کھڑگپور سے حادثے سے متعلق امدادی ٹرینیں اور طبی امدادی ٹرینیں پٹری سے اترنے والی جگہ پر پہنچ گئی ہیں۔ پھنسے ہوئے مسافروں کو ان کی منزل تک پہنچانے کے لیے بسوں کا انتظام کیا گیا ہے۔

بھارت ایکسپریس