Rahul Gandhi on ED Raid:راہل گاندھی کا دعویٰ- ای ڈی کرنے والی ہے ان کے  گھر پر ریڈ، کہا- ‘ چائے بسکٹ میں کھلاؤں گا… میں انتظار کر رہا ہوں’

لوک سبھا میں قائد حزب اختلاف اور کانگریس کے رکن پارلیمنٹ راہل گاندھی نے جمعہ 2 اگست کو ایک سنسنی خیز دعویٰ کیا۔ انہوں نے کہا کہ 29 جولائی کو پارلیمنٹ میں دی گئی ان کی ‘چکرویو’ تقریر کے بعد انفورسمنٹ ڈائریکٹوریٹ (ای ڈی) ان کے گھر پر چھاپہ مارنے کا منصوبہ بنا رہی ہے۔ راہل  گاندھی نے کہا کہ وہ کھلے دل سے ای ڈی حکام کا انتظار کر رہے ہیں۔ کانگریس لیڈر نے دعویٰ کیا کہ ای ڈی کے ‘اندرونی ذرائع’ نے انہیں چھاپے کی اطلاع دی ہے۔

سوشل میڈیا پلیٹ فارم X پر ایک پوسٹ میں راہل گاندھی نے ای ڈی کے چھاپے کے بارے میں دعویٰ کیا۔ جمعہ کو صبح سویرے میں کی گئی ایک پوسٹ میں، انہوں نے لکھا، “ظاہر ہے، 2 میں سے 1 کو میری چکرویو تقریر پسند نہیں آئی۔ ای ڈی کے اندرونی ذرائع نے مجھے بتایا ہے کہ چھاپے کی تیاریاں کی جا رہی ہیں۔ میں ای ڈی کا  کھلے دل سےانتظار کر رہا ہوں۔ چائے اور بسکٹ کھلاؤں گا ۔” راہل گاندھی  نے اپنی پوسٹ میں انفورسمنٹ ڈائریکٹوریٹ کے آفیشل ایکس ہینڈل کو بھی ٹیگ کیا ہے۔

نیا چکرویو 21ویں صدی میں بنایا گیا: راہل گاندھی

دراصل راہل گاندھی نے یہ دعویٰ ایسے وقت میں کیا ہے جب، انہوں نے 29 جولائی کو لوک سبھا میں بجٹ پر تقریر کرتے ہوئے وزیر اعظم نریندر مودی پر حملہ کیا تھا۔ انہوں نے کہا تھا کہ ملک کے کسان، مزدور اور نوجوان خوفزدہ ہیں۔ راہل نے ہر جگہ کمل کا نشان دکھانے پر پی ایم مودی کی تنقید کی اور دعویٰ کیا کہ 21ویں صدی میں ایک نیا ‘چکرویو’ بنایا گیا ہے۔

راہل  گاندھی نے کہا تھا، “ہزاروں سال پہلے کروکشیتر میں، ابھیمنیو کو چھ لوگوں نے چکرویوہ میں گھیر کر مار ڈالا تھا۔ میں نے کچھ تحقیق کی اور مجھے معلوم ہوا کہ چکرویوکو پدماویہ کے نام سے  بھی جانا جاتا ہے، جس کا مطلب ہے کمل کی شکل۔ چکرویو۔” یہ کمل کی شکل میں ہے۔ 21ویں صدی میں بھی ایک نیا چکرویوبنایا گیا ہے، جو بالکل کمل کی طرح ہے۔

چھ لوگ مرکزی حکومت کے چکرویومیں بھی ہیں: راہل گاندھی

کانگریس لیڈر نے مزید کہا، “وزیراعظم نے یہ نشان اپنے سینے پر لگاتے ہیں ۔ جو ابھیمنیو کے ساتھ کیا گیا تھا وہ آج ہندوستان کے لوگوں کے ساتھ کیا جا رہا ہے۔ یہ نوجوانوں، کسانوں، خواتین، چھوٹے اور درمیانے درجے کے تاجروں کے ساتھ کیا جا رہا ہے۔ ابھیمنیو کوچھ لوگوں نے  کو مارا تھا

آج بھی مرکزی حکومت میں چکرویوکے اندر چھ لوگ ہیں۔ آج بھی ہندوستان کوچھ لوگ کنٹرول  کرتے ہے۔ یہ لوگ ہیں نریندر مودی، امت شاہ، موہن بھاگوت، اجیت ڈوول، امبانی اور اڈانی۔

بھارت ایکسپریس