PM Modi pays tribute to Mahatma Gandhi and Lal Bahadur Shastri : مہاتما گاندھی اور سابق پی ایم  لال بہادر شاستری کی یوم پیدائش پر پی ایم  مودی نے پیش کی خراج عقیدت

 پی ایم  نریندر مودی نے جمعرات کے روز قوم کے باپ مہاتما گاندھی اور سابق پی ایم لال بہادر شاستری کی جینتی کے موقع پر اُنہیں خراجِ عقیدت پیش کیا۔ اُنہوں نے کہا کہ بھارت اُن کے دکھائے ہوئے راستے پرچلتے ہوئے آتم نربھر (خود انحصار) اورترقی یافتہ بھارت کے خواب کو پورا کرے گا۔ پی ایم مودی جمعرات کی صبح راج گھاٹ پہنچے اور مہاتما گاندھی کو خراج عقیدت پیش کی۔

گاندھی جی کو خراجِ عقیدت

پی ایم مودی نے سوشل میڈیا پلیٹ فارم ایکس پر ایک پوسٹ میں لکھا:”گاندھی جینتی کے موقع پر ہم اپنے پیارے باپو کی غیرمعمولی زندگی کو یاد کرتے ہیں، جن کے اصولوں نے انسانی تاریخ کو بدل دیا۔ اُنہوں نے دکھایا کہ کیسے حوصلہ اور سادگی بڑی تبدیلی کا ذریعہ بن سکتے ہیں۔ وہ خدمت اور ہمدردی کی طاقت پر یقین رکھتے تھے، کیونکہ یہی لوگوں کو بااختیار بنانے کا ایک مؤثر طریقہ تھا۔ ترقی یافتہ بھارت کی تعمیر کے ہمارے ہدف میں ہم اُن کے دکھائے ہوئے راستے پر چلتے رہیں گے۔”

مہاتما گاندھی کو گاندھی کی یوم پیدائش  پر اُن کی سچائی، عدم تشدد اور سماجی انصاف کے لیے زندگی بھر کی وابستگی کے طور پر یاد کیا جاتا ہے۔ یہ دن نہ صرف اُن کے پرامن اور اخلاقی طرزِ زندگی کے نظریے کو خراجِ تحسین پیش کرتا ہے، بلکہ عالمی سطح پر بین الاقوامی یومِ عدم تشدد کے طور پر بھی منایا جاتا ہے۔

شاستری جی کو یاد کیا گیا

پی ایم مودی نے مہاتما گاندھی کے ساتھ ساتھ سابق پی ایم  لال بہادر شاستری کو بھی خراجِ عقیدت پیش کیا۔ اُنہوں نے ایکس پر ایک اور پوسٹ میں لکھا:”لال بہادر شاستری ایک عظیم رہنما تھے، جن کی ایمانداری، انکساری اور پختہ عزم نے بھارت کو مضبوط بنایا۔ اُنہوں نے مشکل وقت میں قیادت، طاقت اور فیصلہ کن اقدام کی مثال قائم کی۔”

اُنہوں نے کہا کہ ’جے جوان، جے کسان‘  کا اُن کا نعرہ ہمارے عوام میں حب الوطنی کے جذبے کو جگاتا ہے۔ وہ آج بھی ایک مضبوط اور خود انحصار بھارت کی تعمیر میں ہماری کوششوں کو تحریک دیتے ہیں۔
 پی ایم نریندر مودی نے لال بہادر شاستری کی جینتی کے موقع پر اُنہیں وجے گھاٹ پہنچ کر خراج عقیدت  پیش کی۔

شاستری جی کی خدمات

واضح رہے کہ لال بہادر شاستری کا جنم 2 اکتوبر 1904 کو اترپردیش کے مغل سرائے میں ہوا تھا۔ لال بہادر شاستری، 1964 میں جواہر لال نہرو کے انتقال کے بعد بھارت کے دوسرے پی ایم بنے تھے۔

بھارت ایکسپریس اردو