Amit Shah in Maharashtra: وزیر داخلہ امت شاہ مہاراشٹر کے دورے پر، ناگپور اور ناندیڑ میں کئی اہم ترقیاتی منصوبوں کا  کریں گےافتتاح

مرکزی وزیر داخلہ امت شاہ اتوار کی رات ناگپور پہنچے، جہاں مہاراشٹر کے نائب وزیر اعلی دیویندر فڑنویس سمیت بی جے پی کے رہنماؤں نے ان کا شاندار استقبال کیا۔ پیر کو  امت شاہ نے ناگپور اور ناندیڑ میں کئی اہم ترقیاتی کاموں کا آغاز کیا اور عوامی رابطہ پروگراموں میں حصہ لیا۔

ناگپور  میں ان کے  دورہ جامڈا میں نیشنل کینسر انسٹی ٹیوٹ میں ‘سوستی نواس’ پروجیکٹ  کی شروعات  بھومی پوجن کے ساتھ شروع ہوئی ۔ اس کے بعد انہوں نے کماٹھی میں نیشنل فارنسک سائنس یونیورسٹی کے مستقل کیمپس کا سنگ بنیاد رکھا اور عارضی کیمپس کا آن لائن افتتاح کیا۔

ناندیڑ میں امت  شاہ نے سابق وزیر اعلیٰ آنجہانی وسنت راؤ نائک کے مجسمے اور آنند نگر میں کیمپس کی خوبصورتی کے کام کا افتتاح کیا۔ شام میں، انہوں نے ناندیڑ کے نوا مونڈھا میدان میں بی جے پی کے ‘شنکھ ناد’ جلسہ عام سے خطاب کیا اور شیواجی نگر میں پارٹی کے نئے دفتر کا افتتاح کیا۔ یہ دورہ ترقی، عوامی رابطوں اور علاقائی رہنماؤں کو خراج عقیدت پیش کرنے کا ایک مؤثر مرکب تھا۔

اگلا پڑاؤ مغربی بنگال میں

مہاراشٹر کے بعد امت شاہ یکم جون کو مغربی بنگال پہنچیں گے، جہاں وہ کولکتہ میں مرکزی حکومت کے ایک اہم پروگرام میں شرکت کریں گے۔ بی جے پی ذرائع کے مطابق امت  شاہ اس دوران پارٹی کی کور کمیٹی اور منتخب ایم ایل ایز کے ساتھ میٹنگ کریں گے۔ ان ملاقاتوں کا مقصد تنظیمی اتحاد کو مضبوط بنانا اور آئندہ کی حکمت عملی پر تبادلہ خیال کرنا ہے۔

ذرائع کا کہنا ہے کہ 2026 کے اسمبلی انتخابات کی تیاریوں پر بھی بات چیت ہو سکتی ہے۔امت  شاہ کا یہ دورہ مغربی بنگال میں بی جے پی کی پوزیشن کو مزید مضبوط کرنے کی طرف ایک بڑا قدم ہے۔ اس سے ظاہر ہوتا ہے کہ پارٹی ترقی اور تنظیم دونوں محاذوں پر سرگرم عمل ہے۔

بھار ت ایکسپریس اردو