Delhi Ministers: گہلوت اور راج کمارآنند کو ملا سسودیا کا شعبہ،ایل جی نے دی منظوری

Delhi Ministers:لیفٹیننٹ گورنر نے دہلی حکومت کے وزراء کیلاش گہلوت اور راج کمار آنند کو نئے محکموں کی ذمہ داریاں دینے کے سی ایم کجریوال کی تجویز کو منظوری دے دی۔

 دہلی کے لیفٹیننٹ گورنر نے وزیر اعلیٰ اروند کجریوال کی حکومت میں وزراء کیلاش گہلوت اور راج کمار آنند کو نئے محکموں کی ذمہ داریاں دینے کی تجویز کو منظوری دے دی ہے۔ کل شام، منیش سسودیا کے 18 محکموں میں سے، وزیر اعلیٰ نے کیلاش گہلوت کو 8 اور راج کمار آنند کو 10 قلمدان دینے کا فیصلہ کیا تھا اور اس کی فائل ایل جی کو بھیج دی تھی۔
منیش سسودیا اور ستیندر جین کے استعفیٰ کے بعد اب سوربھ بھردواج اور آتشی کے اروند کجریوال حکومت میں شامل ہونے کی بحث زوروں پر ہے۔ ذرائع کے مطابق، اگر سسودیا اور ستیندر جین کے استعفے منظور ہو جاتے ہیں، تو آتشی اور سوربھ بھردواج کو دہلی حکومت میں نئے وزیر بنایا جائے گا۔ اس سلسلے میں دونوں ایم ایل اے کے نام لیفٹیننٹ گورنر کو بھیجے گئے ہیں۔