سیاست

Delhi Excise Policy Case: منیش سسودیا کومنی لانڈرنگ کیس میں بڑا جھٹکا، عدالتی حراست میں 31 مئی تک توسیع

دہلی ایکسائز پالیسی سے متعلق منی لانڈرنگ کیس میں منیش سسودیا کو راحت نہیں ملی ہے۔ راؤز ایونیو کورٹ نے سابق ڈپٹی سی ایم منیش سسودیا کی عدالتی تحویل میں 31 مئی تک توسیع کر دی ہے۔ سی بی آئی جو دہلی میں مبینہ شراب گھوٹالے کی تحقیقات کر رہی ہے، گزشتہ سال فروری میں منیش سسودیا کو گرفتار کیا تھا۔ ای ڈی اس معاملے میں منی لانڈرنگ کی تحقیقات کر رہی ہے۔

منیش سسودیا کی عدالتی حراست بدھ کو ختم ہو رہی تھی۔ ایسی صورت حال میں انہیں راؤز ایونیو کورٹ میں ورچولی پیش کیا گیا۔ عدالت کی جج کاویری باویجا نے حراست میں توسیع کا حکم دیا۔

دہلی ہائی کورٹ آج اپنا فیصلہ سنائے گی

ایکسائز پالیسی کیس میں ای ڈی اور سی بی آئی کے ذریعہ درج منی لانڈرنگ اور بدعنوانی کے مقدمات میں منیش سسودیا کی ضمانت پر دہلی ہائی کورٹ آج اپنا فیصلہ سنائے گی۔ 14 مئی کو عدالت نے منیش سسودیا ، سی بی آئی اور ای ڈی کی دلیلیں سننے کے بعد فیصلہ محفوظ کر لیا تھا۔

   بحث کے دوران ای ڈی نے دلیل دی تھی کہ وہ دہلی ایکسائز پالیسی گھوٹالہ سے متعلق منی لانڈرنگ کیس میں اگلی چارج شیٹ میں عام آدمی پارٹی کو ملزم بنائے گی۔ 17 مئی کو ای ڈی نے منی لانڈرنگ معاملے میں دہلی کے وزیر اعلی اروند کیجریوال کے خلاف چارج شیٹ داخل کی تھی اور عام آدمی پارٹی کو بھی ملزم بنایا تھا۔

  منیش سسودیا کے لیے ضمانت کی درخواست کرتے ہوئے ان کے وکیل نے کہا تھا کہ ای ڈی اور سی بی آئی ابھی بھی منی لانڈرنگ اور بدعنوانی کے معاملات میں لوگوں کو گرفتار کر رہے ہیں اور مقدمے کی جلد تکمیل کا کوئی امکان نہیں ہے۔ ای ڈی اور سی بی آئی دونوں نے اس بنیاد پر منیش سسودیا کی ضمانت کی درخواست کی مخالفت کی ہے کہ ملزمین کی طرف سے کیس میں الزامات طے کرنے کے عمل میں تاخیر کرنے کی ٹھوس کوششیں کی جا رہی ہیں۔

کیجریوال کو عبوری راحت، سنجے سنگھ کو بھی ضمانت

اس معاملے میں جانچ ایجنسی نے دہلی کے سی ایم اروند کیجریوال اور آپ لیڈر سنجے سنگھ کو بھی گرفتار کیا تھا۔ سنجے سنگھ کو سپریم کورٹ سے ضمانت مل گئی ہے۔ وہیں کیجریوال کو بھی سپریم کورٹ نے عبوری راحت دی تھی۔ کیجریوال انتخابات میں مہم چلانے کے لیے یکم مئی تک عبوری ضمانت پر ہیں۔ اسے 2 مئی کو سرینڈرکرنا ہوگاہ ۔

بھارت ایکسپریس

Abu Danish Rehman

Recent Posts

Virender Sehwag: ٹام لیتھم دونوں اننگز میں صفر پر آؤٹ ہوکر رقم کردی تاریخ، وریندر سہواگ کا توڑ دیا ریکارڈ

ہندوستان کے سابق جارحانہ اوپننگ بلے باز وریندر سہواگ اپنے ٹیسٹ کیریئر میں مجموعی طور…

45 minutes ago

Ghaziabad Massive Fire: غازی آباد کے پلاسٹک گودام میں بھیانک آتشزدگی، آگ بجھانے میں لگے 8 گھنٹے

فائر بریگیڈ کے مطابق آگ لگنے کی اطلاع رات 12 بج کر 33 منٹ پر…

2 hours ago