Rahul Gandhi Summoned by Ranchi Court: لوک سبھا الیکشن 2024 کی سرگرمیوں کے درمیان راہل گاندھی کوبڑا جھٹکا لگا ہے۔ وہ ایک مشکل میں پھنس گئے ہیں۔ کیونکہ جھارکھنڈ کے رانچی ضلع کی پی ایم ایل اے کورٹ نے انہیں سمن بھیجا ہے۔ انہیں عدالت میں پیش ہونے کا حکم دیا ہے۔ معاملہ وزیرداخلہ امت شاہ کے خلاف متنازعہ تبصرہ کرنے سے متعلق ہے۔
تبصرہ سے ناراض ہوکربی جے پی حامی نوین جھا نے رانچی کی سول کورٹ میں راہل گاندھی کے خلاف شکایت دی تھی۔ اسی شکایت پرایکشن لیتے ہوئے کورٹ نے راہل گاندھی کوسمن جاری کئے۔ سال 2018 کی بات ہے، راہل گاندھی نے دہلی میں تبصرہ کیا تھا کہ بی جے پی میں اگرقتل معاملے میں ملزم صدر بن سکتا ہے، لیکن کانگریس میں کبھی ایسا ہو ہی نہیں سکتا۔
ہائی کورٹ نے راہل گاندھی پرلگایا تھا جرمانہ
واضح رہے کہ گزشتہ ہفتے اسی معاملے میں جھارکھنڈ ہائی کورٹ نے راہل گاندھی کو پھٹکارلگائی تھی۔ ہائی کورٹ نے کانگریس لیڈرپرایک ہزار روپئے جرمانہ بھی لگایا تھا۔ جرمانے کی کارروائی اس لئے کی گئی تھی، کیونکہ راہل گاندھی نے امت شاہ سے ہی جڑے معاملے میں ہائی کورٹ کے حکم کے باوجود جواب داخل کرنے میں تاخیر کی، جبکہ ہائی کورٹ نے ان کو راحت دیتے ہوئے معاملے کی سماعت روک دی تھی۔ تاہم راہل گاندھی کو معاملے میں جواب دینے کا حکم دیا تھا۔
بھارت ایکسپریس۔