Prashant Kishor: پرشانت کشور کو ملی غیر مشروط ضمانت، ضمانتی مچلکے ادا کرنے سے کیا تھا انکار، کریں گے8 بجے پریس کانفرنس

Prashant Kishor: پٹنہ میں جن سورج کے بانی پرشانت کشور کو غیر مشروط ضمانت مل گئی ہے، انہوں نے ضمانتی مچلکے ادا کرنے سے انکار کر دیا تھا۔ اطلاعات کے مطابق، وہ 8 بجے پریس کانفرنس کرنے والے ہیں۔ پرشانت کشور کو بیور پولیس اسٹیشن سے ضمانت مل گئی ہے۔ پولیس پرشانت کشور کو جیل سے نکال کر تھانے لے گئی اور انہیں تھانے سے رہا کر دیا گیا۔ تاہم اس سے قبل ضمانت نہ ملنے کی وجہ سے انہیں بیور جیل بھیج دیا گیا تھا۔

پٹنہ کی سول کورٹ نے 25000 روپے کے ذاتی مچلکے اور کچھ شرائط کے ساتھ ضمانت منظور کی تھی، لیکن پرشانت کشور نے کسی بھی شرط کو ماننے سے انکار کر دیا تھا اور جیل جانا ہی مناسب سمجھا تھا۔ پرشانت کشور کے وکیل وائی بی گری نے کہا تھا کہ انہیں اس شرط پر ضمانت دی جارہی ہے کہ وہ اب کوئی احتجاج نہیں کریں گے۔ اس پر راضی نہ ہونے پر پرشانت کشور کو عدالتی حراست میں بھیج دیا گیا تھا۔

یہ بھی پڑھیں- Delhi Assembly Election 2025: کانگریس کا بی جے پی اور عام آدمی پارٹی پر بڑا حملہ، قومی ترجمان راگنی نائک نے پرینکا گاندھی سے متعلق نازیبا تبصرہ پردیا سخت جواب

پیر کی صبح 4 بجے ہوئی تھی گرفتاری

پرشانت کشور عدالت سے باہر آئے اور میڈیا سے بات کرتے ہوئے کہا کہ ہم پچھلے پانچ دنوں سے ستیہ گرہ کر رہے تھے، صبح تقریباً 4 بجے پولیس آئی اور کہا میرے ساتھ چلو۔ ظاہر ہے ہمارے ساتھ بہت سے لوگ موجود تھے لیکن میں یہ واضح کرنا چاہتا ہوں کہ پولیس کا رویہ برا نہیں رہا۔ اس کے بعد انہوں نے یہ بھی کہا کہ میں کسی شرط کے ساتھ ضمانت نہیں لوں گا اور جیل جانے کو تیار ہوں لیکن اب عدالت نے ان کی شرط مان لی ہے اور اب انہیں ضمانت مل گئی ہے۔

-بھارت ایکسپریس