UP Politics: اکھلیش یادونے ‘گرفتاری’ کا کیا خدشہ ظاہر،سی ایم یوگی کے بارے میں کہی یہ بڑی بات

ملکی پور میں 3 بجے تک 57.13 فیصد ووٹنگ، اکھلیش نے لگایا فرضی ووٹنگ کا الزام

UP Politics: ایس پی کے قومی صدر اکھلیش یادو نے چونکا دینے والا بیان دے کر یوپی کی سیاست میں ہلچل مچا دی ہے۔ انہوں نے اپنی گرفتاری کا خدشہ ظاہر کیا ہے۔ ان کے بیان سے لگتا ہے کہ جیل جانے کا خوف انہیں پریشان کر رہا ہے۔ اس سلسلے میں انہوں نے لکھنؤ میں پریس کانفرنس کرکے میڈیا کو جانکاری دی۔ انہوں نے کہا کہ جب حکومت ایک پرندہ بھی نہیں چھوڑ رہی، پرندوں کو قید کر رہی ہے، وہ بھی صرف اس لیے کہ میں ملنے گیا تھا۔

انہوں نے کہا، ”یہی ہوا جب میں ایم ایل اے عرفان سولنکی سے ملنے گیا جو کانپور جیل میں بند تھے، ان کی جیل بھی بدل دی گئی اور اب پرندے بھی قید ہو چکے ہیں، تو وہ ہمیں اور آپ کو کیوں چھوڑیں گے؟ ہم آپ کو بھی جیل میں ڈال دیں گے۔

آئین کو تباہ کر رہی ہے حکومت

اکھلیش نے یوگی حکومت پر سخت نشانہ لگاتے ہوئے کہا کہ میں جس سے بھی ملنے جاتا ہوں حکومت اس سے سب کچھ چھین لیتی ہے۔ یوگی حکومت پر حملہ کرتے ہوئے اکھلیش نے کہا کہ وہ آئین کو تباہ کرنے کا کام کر رہے ہیں اور یہ لوگ جمہوریت کی بات کرتے ہیں۔ انہوں نے کہا کہ یوگی ہونے کے باوجود وزیر اعلیٰ جھوٹ بولتے ہیں۔ اکھلیش نے کہا کہ میں نے ایک ہزار ایکڑ میں ایک لاکھ 36 ہزار درخت لگائے۔ انہوں نے 150 کروڑ درخت کہاں لگائے؟ اس سے بڑا جھوٹ اور کیا ہو سکتا ہے۔ بی جے پی والے درختوں اور پرندوں کے دشمن ہیں اور اس سے بھی زیادہ بی جے پی والے گملے چوربھی ہیں۔

یہ بھی پڑھیں- UP News: اوم پرکاش راج بھر کے نشانے پر چاچا -بھتیجے، کہا- ان کے دل میں درد ہےلیکن مرہم اور گولی دستیاب نہیں…

کوئی خوشی کی بات نہیں ہے بلڈوزر

اکھلیش نے کہا کہ بلڈوزر خوشی کی بات نہیں ہے۔ میں نے ایوان میں اس کے خلاف بات بھی کی تھی۔ انہوں نے کہا کہ اگر ایس پی کی حکومت ہوتی تو میڈیا کہتا، یادو ڈی جی پی ہے، مسلم ڈی جی پی ہے، گجر ڈی جی پی ہے۔ اگر براہمن بنا دیا تو اچھا نہیں ہے۔ سی ایم یوگی پر طنز کرتے ہوئے اکھلیش نے کہا کہ اس حکومت کے پاس اپنا ڈی جی پی نہیں ہے، چیف سکریٹری نہیں ہے۔

واضح رہے کہ امیٹھی کی گوری گنج تحصیل کے جودھ پور منڈکھا گاؤں میں رہنے والے عارف اور ریاستی پرندے سارس کی دوستی سوشل میڈیا پر کافی بحث کا موضوع رہی تھی۔ عارف اور سارس کی دوستی کو دیکھنے کے لیے اکھلیش یادو حال ہی میں منڈکھا بھی گئے تھے، لیکن اس کے بعد ہی محکمہ جنگلات نے سارس کو عارف سے لے کر رائے بریلی کے سماس پور برڈ سینکچری میں محفوظ کیا ہے۔

-بھارت ایکسپریس

Bharat Express