India and China troops clash:توانگ میں  جھڑپ کے بعد امریکہ کا ردعمل، اچھی بات بھارت اور چین دونوں پیچھے ہٹ گئے

اقوام متحدہ(United Nations) کے سکریٹری جنرل انتونیو گوٹیرس نے منگل کو اروناچل پردیش میں ہندوستان اور چین کی سرحد پر دونوں ممالک کے فوجیوں کے درمیان جھڑپوں کی اطلاعات کے بعد کشیدگی میں کمی کی اپیل کی۔ان کے ترجمان اسٹیفن گوٹیرس نے کہاکہ ہم اس بات کو یقینی بنانے کے لیے کشیدگی میں کمی کا مطالبہ کرتے ہیں کہ اس خطے میں سرحدی کشیدگی بڑھنے سے بچا جائے۔‘‘

ہندوستان کے وزیر دفاع راج ناتھ سنگھ (Rajnath Singh)نے کہا کہ جمعہ کو اروناچل پردیش میں توانگ سیکٹر کے یانگتسے علاقے میں دونوں ملکوں کی فوجوں کے درمیان جھڑپ اورمار پیٹ ہوئی۔انہوں نے کہا کہ دونوں فریقوں کو معمولی چوٹیں آئیں اور ہندوستانی فوجیوں نے چینی دراندازی کا منہ توڑ جواب دیا۔

انہوں نے کہا کہ خطے میں دونوں ممالک کے فوجی کمانڈروں کی اتوار کو ملاقات ہوئی اور یہ معاملہ سفارتی ذرائع سے چین کے ساتھ بھی اٹھایا گیا ہے۔ وزیر دفاع راج ناتھ سنگھ نے منگل کو پارلیمنٹ کو بتایا کہ جھڑپ میں کوئی ہندوستانی فوجی ہلاک یا شدید زخمی نہیں ہوا۔راج ناتھ سنگھ نے کہا کہ  میں ایوان کو یہ بھی یقین دلاتا ہوں کہ ہماری فوج ملک کی علاقائی سالمیت کی حفاظت کرنے کی صلاحیت رکھتی ہے۔ ہماری فوج کسی بھی مداخلت سے نمٹنے کے لیے تیار ہے۔ مجھے یقین ہے کہ ایوان ہماری مسلح افواج کی بہادری اور جرات کی حمایت کرے گا۔ چین نے کہا کہ سرحد پر صورتحال مستحکم ہے اور اس نے آمنے سامنے کی کوئی تفصیلات نہیں بتائیں۔

اروناچل پردیش کے توانگ سیکٹر میں جھڑپ کے کے بعد چین نے کہا کہ ہندوستان کے ساتھ سرحد پر حالات عام طور پر مستحکم ہیں۔ چینی وزارت خارجہ کے ترجمان وانگ وین بن نے ایک پریس کانفرنس میں کہا کہ دونوں فریقوں نے سفارتی اور فوجی ذرائع سے سرحدی معاملات پر ہموار رابطے کو برقرار رکھا ہے۔ تاہم، وانگ نے یانگسی کے علاقے میں 9 دسمبر کو ہندوستانی اور چینی فوجیوں کے درمیان ہونے والی جھڑپ کی تفصیلات بتانے سے انکار کردیا۔

جون 2020 میں وادی گالوان میں شدید تصادم کے بعد دونوں ممالک کے فوجیوں کے درمیان یہ پہلی بڑی جھڑپ ہے۔

Karine Jean-Pierre نے کہا: “ہمیں یہ جان کر خوشی ہوئی ہے کہ لگتا ہے کہ دونوں فریق جھگڑے سے جلدی سے دور ہو گئے ہیں۔” ہم صورتحال پر گہری نظر رکھے ہوئے ہیں۔ ہم بھارت اور چین کی حوصلہ افزائی کرتے ہیں کہ وہ متنازعہ سرحد پر بات چیت کے لیے موجودہ دو طرفہ چینلز کا استعمال کریں۔ ایک بار پھر، ہمیں یہ دیکھ کر خوشی ہوئی کہ اس بار جھڑپوں میں کچھ کمی آئی ہے۔بھارتی فوج کی تین یونٹوں نے 300 سے زائد فوجیوں کو منہ توڑ جواب دیا تھا۔  بھارتی افواج کی جانب سے ناکامی پر انہیں لائن آف ایکچوئل کنٹرول کے اپنے اطراف سے پیچھے ہٹنا پڑا۔ دوسری جانب بھارتی فوجیوں کی نقل و حرکت کو دیکھتے ہوئے تصادم کے لیے تیار کیا گیا اور تصادم اس وقت ہوا جب ایک یونٹ کو نئی یونٹ کے ذریعے فارغ کیا جا رہا تھا۔