After Tawang Skirmish : توانگ جھڑپ کے بعد ایل اے سی پر امریکہ کی نظر،توانگ جھڑپ کے بعد چین پر بھڑکا امریکہ

اروناچل پردیش کے توانگ(Tawang) میں بھارتی اور چینی فوجیوں کے درمیان جھڑپ کے بعد امریکہ نے اسے بیجنگ کی اشتعال انگیز کارروائی قرار دیا ہے۔ امریکی محکمہ خارجہ کے ترجمان نیڈ پرائس(Ned Price) نے بھارت چین سرحد پر توانگ جھڑپ پر کہا کہ بھارت امریکہ کاا سٹریٹجک پارٹنر ہے۔ ہم دہلی اور واشنگٹن میں ہندوستان کے ساتھ مسلسل رابطے میں ہیں۔

امریکی محکمہ خارجہ کے ترجمان نیڈ پرائس نے  صحافیوں کو بتایا کہ امریکہ اپنے ہندوستانی شراکت داروں کے ساتھ قریبی رابطے میں ہے۔

تاہم پرائس نے اس معاملے پر بھارت کے ساتھ بات چیت کی تفصیلات بتانے سے انکار کر دیا۔پرائس نے کہا کہ ہمیں یہ سن کر خوشی ہوئی کہ دونوں فریقین جھڑپوں سے جلدی سے الگ ہو گئے۔

وائٹ ہاؤس کی پریس سکریٹری کرین جین پیئر (Karine Jean-Pierre)نے بھی اسی طرح کے جذبات کا اظہار کیا۔ انہوں نے کہا کہ ہمیں یہ سن کر خوشی ہوئی کہ دونوں فریقین جھڑپوں سے جلد باز آ گئے۔ انہوں نے کہا کہ ہم صورتحال پر گہری نظر رکھے ہوئے ہیں۔ ہم بھارت اور چین کی حوصلہ افزائی کرتے ہیں کہ وہ متنازعہ سرحد پر بات چیت کے لیے موجودہ دو طرفہ چینلز کا استعمال کریں۔

یہ بھی پڑھیں ۔ India and China troops clash:توانگ میں  جھڑپ کے بعد امریکہ کا ردعمل، اچھی بات بھارت اور چین دونوں پیچھے ہٹ گئے

امریکہ نے کہا کہ وہ بھارت کے ساتھ ہے۔ چین اشتعال انگیز کارروائی کرتا ہے۔ امریکہ ہمیشہ اپنے دوست ممالک کے ساتھ رہے گا۔ وائٹ ہاؤس نے منگل کے روز کہا کہ بائیڈن انتظامیہ خوش ہے کہ اروناچل پردیش کے توانگ سیکٹر میں جھڑپ کے فوراً بعد ہندوستان اور چین دونوں منقطع ہو گئے۔

امریکی کانگریس کے ایک ہندوستانی نژاد امریکی رکن راجہ کرشنامورتی ( Raja Krishnamoorthi)نے جھڑپوں پر تشویش کا اظہار کیا۔ انہوں نے ایک بیان میں کہاکہ میں چینی کمیونسٹ پارٹی کی طرف سے اپنی مسلح افواج کے ساتھ ہندوستانی علاقے میں داخل ہونے کی تازہ ترین کوشش کے بارے میں جان کر پریشان ہوں۔

پریس کانفرنس کے دوران وائٹ ہاؤس کی میڈیا سیکریٹری کرائن جین پیئر(Karine Jean-Pierre) نے کہا کہ امریکا دونوں ممالک کے درمیان کشیدگی کی صورتحال پر گہری نظر رکھے ہوئے ہے۔ یہ بھی کہا کہ وہ دونوں فریقوں (ہندوستان اور چین) کو متنازعہ سرحدوں پر بات چیت کے لیے موجودہ دو طرفہ چینلز کا استعمال کرنے کی ترغیب دیتا ہے۔