Congress AAP Seat Sharing talk: سیٹ شیئرنگ پرعام آدمی پارٹی-کانگریس میٹنگ، مکل واسنک نے سیٹ بٹوارے کو لے کر کہی یہ خاص بات؟

Congress AAP Seat Sharing talk: لوک سبھا انتخابات میں سیٹوں کی تقسیم کو لے کر کانگریس اور عام آدمی پارٹی (اے اے پی) کی ایک اہم میٹنگ 8 جنوری کو ہوئی تھی۔ اس کے بعد کانگریس اتحاد کمیٹی کے سربراہ مکل واسنک نے کہا کہ یہ بہت اچھی میٹنگ تھی۔ اروند کیجریوال نے میٹنگ کے لیے اپنے نمائندے بھیجے۔ عام آدمی پارٹی  کے راجیہ سبھا ایم پی سندیپ پاٹھک اور دہلی حکومت کے کابینہ کے وزراء آتشی اور سوربھ بھردواج نے میٹنگ میں شرکت کی۔ کانگریس کی جانب سے راجستھان کے سابق وزیر اعلیٰ اشوک گہلوت، ایم پی مکل واسنک، دہلی کانگریس کے سربراہ ارویندر سنگھ لولی اور پارٹی کے سینئر لیڈر سلمان خورشید اور موہن پرکاش بھی موجود تھے۔دو سے ڈھائی گھنٹے تک میٹنگ ہوئی۔ میٹنگ بہت اچھے ماحول میں ہوئی۔

کانگریس کتنی سیٹیں چاہتی ہے؟

دونوں پارٹیوں کے لیڈروں نے اس بات کا جواب نہیں دیا کہ کن ریاستوں پر بات ہوئی ہے۔ حال ہی میں ذرائع کے مطابق کانگریس پنجاب میں 6 اور دہلی میں تین سیٹوں کا مطالبہ کر رہی ہے۔ ایسے میں یہ دیکھنا ہوگا کہ اے اے پی اور کانگریس کتنی سیٹوں پر مقابلہ کریں گی۔ پچھلے کچھ دنوں سے عام آدمی پارٹی اور کانگریس کے درمیان پنجاب میں سیٹوں کی تقسیم کو لے کر زبانی جنگ چھڑی ہوئی ہے۔

اے اے پی کیا کوشش کر رہی ہے؟

ایسے اشارے مل رہے ہیں کہ عام آدمی پارٹی (اے اے پی) گجرات، گوا، مدھیہ پردیش اور ہریانہ جیسی ریاستوں میں بھی کانگریس سے سیٹوں کا مطالبہ کر سکتی ہے۔ دراصل اروند کیجریوال نے 7 جنوری کو گجرات کے دورے کے دوران ایک سیٹ کے لیے امیدوار کا اعلان کیا تھا۔ انہوں نے کہا کہ ایم ایل اے  چیتر واسواآئندہ چند مہینوں میں ہونے والے عام انتخابات میں بھروچ لوک سبھا سیٹ سے اے اے پی کی امیدوار ہوں گی۔

ایسے اشارے مل رہے ہیں کہ عام آدمی پارٹی (اے اے پی) گجرات، گوا، مدھیہ پردیش اور ہریانہ جیسی ریاستوں میں بھی کانگریس سے سیٹوں کا مطالبہ کر سکتی ہے۔
بھارت ایکسپریس