CPI On Rahul Gandhi: کیا راہل گاندھی 2024 میں وایناڈ سے انتخاب نہیں لڑیں گے؟ انڈیا اتحاد میں شامل سی پی آئی نے سیٹ شیئرنگ پردیا بڑا اشارہ

کمیونسٹ پارٹی آف انڈیا کانگریس کے رکن پارلیمنٹ راہل گاندھی سے آئندہ لوک سبھا انتخابات میں وایناڈ سے مقابلہ نہ کرنے کی درخواست کر سکتی ہے۔ اس بارے میں فیصلہ حال ہی میں سی پی آئی کی قومی قیادت کے اجلاس میں کیا گیا۔ ذرائع کے مطابق اب اس فیصلے سے باضابطہ طور پر کانگریس کو آگاہ کیا جائے گا۔ سی پی آئی چاہتی ہے کہ راہل گاندھی بی جے پی امیدوار کے خلاف الیکشن لڑیں۔ سی پی آئی کا خیال ہے کہ چونکہ وہ اپوزیشن اتحاد ‘انڈیا’ کا حصہ ہیں ۔ اس وجہ سے سب سے پرانی پارٹی یعنی کانگریس کو اس بات کو یقینی بنانا چاہئے کہ راہل گاندھی وایناڈ سے الیکشن نہ لڑیں۔

سی پی آئی کیرالہ میں سی پی آئی (ایم) کی قیادت والی لیفٹ ڈیموکریٹک فرنٹ کےدوسرے سب سے بڑے اتحادی ہیں ۔ وہ 2009 میں قائم ہونے کے بعد سے وایناڈ سیٹ سے الیکشن لڑ رہی ہیں۔ پچھلے تین انتخابات میں، کانگریس امیدوار آسانی سے جیت گئے تھے، خاص طور پر 2019 میں جب راہل گاندھی نے 4.31 لاکھ ووٹوں کے بڑے فرق سے کامیابی حاصل کی تھی۔ اگرچہ سی پی آئی اپنے فیصلے سے آگاہ کرنے کے لیے پوری طرح تیار ہے، لیکن کانگریس کے ذرائع نے اس بات پر شک ظاہر کیا ہے کہ آیا درخواست پر غور کیا جائے گا۔

اتفاق سے، سی پی آئی کیرالہ کی 20 لوک سبھا سیٹوں میں سے چار پر مقابلہ کرے گی۔ اسے 2019 کے انتخابات میں زبردست شکست کا سامنا کرنا پڑا، جب کانگریس کی قیادت والی یو ڈی ایف نے 19 سیٹیں جیتیں۔ ان کی شکست کی ایک وجہ راہل گاندھی کا وایناڈ سے الیکشن لڑنے کا فیصلہ تھا۔

کانگریس نے کیا کہا؟

اس تجویز کو مسترد کرتے ہوئے سی پی آئی ایم کی مرکزی کمیٹی کے رکن اور سابق ریاستی وزیر اے کے بالن نے کہا کہ الیکشن لڑنے کا فیصلہ متعلقہ سیاسی پارٹیاں ہی لے سکتی ہیں۔ اس دوران ریاستی کانگریس صدر کے. سدھاکرن نے کہا کہ اس معاملے کے لیے سی پی آئی یا کوئی ‘اتحادی’ یہ فیصلہ نہیں کر سکتا کہ دوسری پارٹیوں کو کیا کرنا چاہیے، راہول گاندھی صرف وائناد سے انتخاب لڑیں گے۔