Government Jobs in Bihar: ہم نے 70 دنوں میں 2 لاکھ سے زیادہ اساتذہ کو سرکاری نوکریاں دیں، دنیا کی کوئی حکومت ایسا نہیں کر سکی، تیجسوی یادو

بہار میں وزیر اعلیٰ نتیش کمار کی قیادت والی حکومت کا دعویٰ ہے کہ اس نے لاکھوں سرکاری ملازمتیں فراہم کی ہیں۔ نائب وزیر اعلی تیجسوی یادو نے کہا کہ ریاست میں 70 دنوں میں دو لاکھ سے زیادہ اساتذہ کو سرکاری نوکریاں دی گئیں۔

بہار حکومت کی جانب سے اساتذہ کو تقرری نامہ تقسیم کرنے پر نائب وزیر اعلی تیجسوی یادو نے کہا، “ہماری حکومت اساتذہ کو تقرری نامہ تقسیم کر رہی ہے۔ پہلے مرحلے میں 1,20,000 اساتذہ اور صرف 70 دن کے بعد دوسرے مرحلے میں 96,000 اساتذہ یعنی 70 دنوں میں ہم نے دو لاکھ سے زیادہ اساتذہ کو سرکاری نوکریاں دی ہیں۔

تیجسوی یادو نے پٹنہ میں کہا، ’’ہمارا یہ قدم تاریخی ہے۔ مجھے نہیں لگتا کہ ہندوستان یا دنیا کی کسی حکومت نے کسی محکمے میں اس طرح لاکھوں نوکریاں دی ہیں۔ یہ ایک عالمی ریکارڈ ہے جو بہار کے وزیر اعلیٰ نتیش کمار کی قیادت میں بنایا گیا ہے۔