قومی

Ram Mandir Donation Row: رام مندر چڑھاوا چوری معاملے میں ایف آئی آر، استعفیٰ اور گرفتاری کے بعد بھی نہیں تھم رہا تنازعہ، وی ایچ پی نے اٹھائے یہ سوال

رام مندرکے چڑھاوے میں مبینہ بدعنوانی کے معاملے میں ایس آئی ٹی کی رپورٹ کی بنیاد پرایف آئی آردرج ہونے کے بعد پورے معاملے نے طول پکڑلیا ہے۔ رام جنم بھومی تیرتھ چھیتر ٹرسٹ کے جنرل سکریٹری چمپت رائے اورٹرسٹی انل مشرا کے استعفیٰ کے بعد اپوزیشن نے مرکزاورٹرسٹ پرسخت سوال اٹھائے ہیں۔ اس درمیان وشوہندوپریشد (وی ایچ پی) کے انٹرنیشنل صدرآلوک کمارنے کہا کہ سسٹم میں سدھارکی ضرورت ہے۔ ۔

ایک اورکمیٹی بنانے کی ضرورت نہیں: وی ایچ پی

نیوزایجنسی اے این آئی کی رپورٹ کے مطابق، انہوں نے کہا، ”مجھے نہیں لگتا کہ اس کے لئے ایک اورکمیٹی بنانے کی ضرورت ہے۔ الزام صرف دوٹرسٹیوں پرہے، باقی سب پرنہیں، اس لئے سب سے ضروری یہ ہے کہ نظام کوبہتربنایا جائے اورایسے لوگوں کولایا جائے، جنہیں مندرایڈمنسٹریشن کا تجربہ ہو۔ ایسا اس لئے کیا جانا چاہئے تاکہ بھگوان رام کی سبھی جائیدادیں پوری طرح محفوظ رہیں، بھکتوں کوپریشانی نہ ہواوراس جگہ سے لوگوں کی عقیدت میں اضافہ ہو۔ مجھے امید ہے کہ ٹرسٹی ایسا ضرورکریں گے۔”

کسی بھی قصوروار کو بخشا نہیں جائے گا: وی ایچ پی

آلوک کمارنے کہا، ”مجھے اس بات سے اطمینان ہے کہ الزام لگنے کے فوراً بعد ہی ایس آئی ٹی بنانے کا مطالبہ ہوا اورٹرسٹ نے خود ہی ایسا کیا۔ جس دن ملزمین کے نام سامنے آئے، اسی دن ان کے خلاف ایف آئی آردرج کرلی گئی۔ میں پولیس سے اپیل کرتا ہوں کہ وہ سبھی ملزمین چاہے وہ کوئی بڑا افسرہویا چھوٹا ملازم۔ کسی بھی قصوروارکوبخشا نہیں جانا چاہئے۔”

ان ملزمین کوکیا گیا گرفتار

اس معاملے پراترپردیش کے وزیراعلیٰ یوگی آدتیہ ناتھ نے سخت رخ اپناتے ہوئے کہا کہ الزام سامنے آتے ہی حکومت نے فوراً ایس آئی ٹی کی تشکیل کرنے کا حکم دیا تھا۔ جمعرات دیررات مندرکے ملازمین، نقدی گننے والے اسٹاف اورکچھ بینک کے سابق افسران سمیت 8 افراد کے خلاف ایف آئی آردرج کی گئی۔ الزام ہے کہ ان سبھی نے آپسی ملی بھگت سے مندرکی رقم غبن کر لی۔ گرفتارکئے گئے ملزمین میں اویناش شکلا، انوکلپ مشرا، لوکش مشرا، منیش کماریادو، کرونیش پانڈے، رماشنکرمشرا، سبھاش شریواستواوررام شنکریادوعرف ٹنّو شامل ہیں۔

 بھارت ایکسپریس اردو-

Nisar Ahmad

Recent Posts

Prime Minister Narendra Modi: اے آئی ہو یا کوئی نئی ٹیکنالوجی، ہنرمند شخص کی روزی روٹی کوئی نہیں چھین سکتا: وزیر اعظم مودی

وزیر اعظم نے کہا کہ ہنرمندی کے ذریعے لوگوں کو بااختیار بنانا اور ان کے…

41 minutes ago

Balendra Shah India Visit: نیپال کے وزیر اعظم بالیندر شاہ آج پہنچیں گے بھارت، پیر کو وزیر اعظم مودی کے ساتھ ہوگی اہم ملاقات

بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…

1 hour ago

Rajasthan Road Accident: راجستھان میں دو خوفناک سڑک حادثے، 12 افراد جاں بحق، ایک ہی خاندان کے 9 افراد کی موت

ابتدائی اطلاعات کے مطابق، حادثے کی ممکنہ وجہ ڈرائیور کو نیند کی جھپکی آنا بتائی…

2 hours ago

Delhi AQI Today: دہلی کی فضا میں گھلا زہر، کئی علاقوں میں سانس لینا دشوار، جانئے کہاں کتنا ہے اے کیو آئی

فی الحال دہلی-این سی آر میں گریڈیڈ رسپانس ایکشن پلان (جی آر اے پی) کے…

4 hours ago