راجیندر پال گوتم بنائے گئے یوپی کانگریس کے انچارج، اویناش پانڈے کی جگہ دلت لیڈر کی تقرری، ان ریاستوں میں بھی بڑی تبدیلی

نئی دہلی: کانگریس نے جمعہ کے روز پارٹی لیڈران راجیندر پال گوتم اورسنجے دت کواترپردیش اورہریانہ کے لئے آل انڈیا کانگریس کمیٹی (اے آئی سی سی) کا انچارج بنایا۔ راجیندرپال گوتم نے اترپردیش میں اویناش پانڈے کی جگہ لی، جبکہ سنجے دت نے ہریانہ میں پارٹی کے سینئرلیڈربی کے ہری پرساد کی جگہ لیں گے۔ وہیں، بی کے ہری پرساد کو اب کرناٹک کانگریس کا ریاستی صدربنایا گیا ہے۔

پی ٹی آئی کے مطابق، کانگریس نے ایک بیان میں کہا کہ اس نے اجے کمارللّوکی جگہ لال جی دیسائی کو اوڈیشہ کا آل انڈیا کانگریس کمیٹی (اے آئی سی سی) انچارج بھی بنایا ہے۔ اے آئی سی سی کے سکریٹری انچارج (تنظیم) کے سی وینوگوپال نے بیان میں کہا، ”پارٹی جانے والے جنرل سکریٹریز/انچارج اویناش پانڈے، بی کے ہری پرساد اوراجے کمارللّو کے تعاون اورخدمات کی قدراورتعریف کرتی ہے۔“ ایک اوربیان میں کانگریس نے لال جی دیسائی کی جگہ بی وی شری نواس کوکانگریس سیوا دل کا نیا چیف آرگنائزربنانے کا اعلان کیا، جوفوری اثرسے نافذ ہوگا۔

Hon’ble Congress President Shri @kharge has appointed the following party functionaries as AICC In-charges of the following states, with immediate effect. pic.twitter.com/JgsIDTl4Li

— Congress (@INCIndia) June 26, 2026

دہلی کانگریس میں 509 منڈل صدرمقرر

دوسری طرف، دہلی کانگریس نے جمعہ کے روز نیشنل کیپٹل کے سبھی 70 اسمبلی علاقوں میں 509 منڈل صدرمقررکئے، جس کا مقصد پارٹی کے بوتھ لیول نیٹ ورک کومضبوط کرنا ہے۔ ایک بیان میں دہلی پردیش کانگریس کمیٹی (ڈی پی سی سی) کے صدردیویندریادونے کہا کہ یہ تقرریاں فوراً نافذ ہوں گی اوران کا مقصد زمینی سطح پرتنظیم کو”مضبوط اوراینرجی سے بھرنا“ ہے۔ پارٹی کی طرف سے جاری لسٹ کے مطابق، 509 منڈل صدر دہلی کے سبھی ضلع یونٹ اوراسمبلی علاقوں میں بانٹے گئے ہیں۔ بیان میں کہا گیا ہے کہ نئے نامزد کئے گئے عہدیداران کو کانگریس کی آئیڈلوجی (نظریہ) اورآرگنائزیشن پرنسپل کے لحاظ سے کام کرنے، اپنے اپنے منڈلم (یونٹ) میں پارٹی کومضبوط کرنے، پارٹی ورکرکے ساتھ کوآرڈینیشن بنائے رکھنے اورپارٹی کی طرف سے وقت وقت پرجاری پروگرام اورکیمپین کونافذ کرنے کے لئے کہا گیا ہے۔

Congress President Shri @kharge has appointed Shri B. V. Srinivas as the Chief Organiser of the Congress Seva Dal, with immediate effect. pic.twitter.com/vktuNSc5bh

— Congress (@INCIndia) June 26, 2026

دہلی میں ایس آئی آرسے متعلق کانگریس کا بڑا قدم

الیکشن کمیشن کے ووٹررول کے اسپیشل انٹینسیو رویژن (ایس آئی آر) کو دیکھتے ہوئے دہلی کانگریس نے اپنی بوتھ لیول مشینری کو مضبوط کرنے کے لئے ایک مہم شروع کرنے کے کچھ ہفتے بعد یہ تقرری کی ہے۔ اس ماہ کی شروعات میں پارٹی نے اپنے بوتھ لیول ایجنٹ (بی ایل اے)-1 ورکرس کے لئے ٹریننگ ورکشاپ بھی کی، جس میں کہا گیا کہ یہ یقینی بنایا جائے گا کہ ایس آئی آر کے عمل کے دوران کوئی بھی اہل ووٹر، خاص طورپر دلت، مائنارٹی (اقلیت) اوراقتصادی طورپر کمزور طبقے کا نام ووٹرلسٹ سے نہ ہٹے۔

بھارت ایکسپریس اردو-