UP Politics: ڈبل انجن کے راج میں ’ڈبل سانڈ‘ کی لڑائی- اکھلیش یادو نے ویڈیو شیئر کرکے بی جے پی پر کی تنقید

UP Politics: اترپردیش میں آوارہ جانوروں سے متعلق مسلسل یوگی حکومت پر تنقید کر رہے سماجوادی پارٹی کے سربراہ اکھلیش یادو نے ایک بار پھر طنزکیا ہے۔ یوپی کے سابق وزیراعلیٰ نے ایک ویڈیو شیئرکرتے ہوئے کہا، ’ڈبل انجن کے راج میں ’ڈبل سانڈ‘ کی لڑائی۔‘ دراصل اس ویڈیو میں دو سانڈ بیچ سڑک پر لڑتے ہوئے نظرآرہے ہیں۔ ویڈیو میں واضح طور پر دکھائی دے رہا ہے کہ ایک بس کھڑی ہے اور اسی کے سامنے دو سانڈ لڑ رہے ہیں۔

اکھلیش یادو نے شیئر کیا ویڈیو

ٹوئٹر پر اسی ویڈیو کو شیئر کرتے ہوئے اکھلیش یادو نے لکھا ہے، ’ڈبل انجن کے راج میں ’ڈبل سانڈ‘ کی لڑائی، جیسے بھاجپائی کھٹ پٹ کھل کرسڑک پرآئی۔‘ بجٹ سیشن کے دوران اسمبلی میں بھی اکھلیش یادو نے آوازاٹھائی تھی اورآوارہ جانوری سے ہونے والے حادثات اورخراب ہو رہی کسانوں کی فصلوں کی پریشانیوں سے متعلق کئی سوال یوپی حکومت پر داغے تھے۔ اکھلیش یادو نے کہا تھا کہ 2023 آگیا، لیکن بی جے پی کے لئے 2022 ہی رہے گا کیونکہ کسانوں کی آمدنی دوگنی نہیں ہوئی، نیل گائے آج بھی نقصان کر رہی ہے۔

اکھلیش یادو نے یہ بھی کہا تھا کہ ملک کے وزیراعظم نے کہا تھا، سڑک پرکھلے گھومنے والے جانوروں کو نجات دلا دیں گے، مجھے لگ رہا ہے، دہلی-لکھنؤ والوں میں تال میل نہیں بیٹھ رہا ہے۔ وہیں حال ہی میں یوگی حکومت نے ایک حکم جاری کرتے ہوئے یوپی میں آوارہ جانوروں سے ہونے والی اموات سے متعلق معاوضہ رقم میں بھی اضافہ کردیا ہے۔

یوپی حکومت کے ذریعہ جاری کیا گیا ہے یہ حکم

یوپی حکومت کے ذریعہ نیل گائے، سانڈ یا آوارہ جانور کے ذریعہ ٹکرمارکر زخمی کردینے کی وجہ سے اسپتال میں داخل ہونے پر یوگی حکومت نے 16 ہزارکا معاوضہ طے کیا ہے۔ یوپی الیکشن 2022 کے دوران بھی یہ موضوع زوروشور سے اٹھا تھا اور تب پورا اپوزیشن اس موضوع پر یوگی حکومت کو گھیرنے میں مصروف تھا۔ وہیں ایک بارپھراکھلیش یادو نے 2024 لوک سبھا الیکشن سے پہلے اس موضوع کو اٹھانے کی کوشش کی ہے۔