وزیر خارجہ ایس جے شنکر۔ فائل فاٹؤ
نئی دہلی: غزہ کی موجودہ صورتحال پر تشویش کے درمیان وزیر خارجہ ایس جے شنکر نے ہفتہ کے روز کہا کہ ہندوستان کئی دہائیوں سے کہہ رہا ہے کہ مسئلہ فلسطین کا دو ریاستی حل ہونا چاہئے اور اب بڑی تعداد میں ممالک نہ صرف اس کی حمایت کر رہے ہیں، بلکہ اسے پہلے کے مقابلے میں “زیادہ اہم” سمجھ رہے ہیں۔ ایس جے شنکر نے میونخ میں امریکی وزیر خارجہ انٹونی بلنکن اور جرمن وزیر خارجہ اینالینا بیئربوک کی موجودگی میں سیکورٹی کانفرنس کے ایک سیشن کے دوران یہ بات کہی۔
انسانی حقوق کی پاسداری کرنا اسرائیل کی ذمہ داری
وزیر خارجہ نے اسرائیلی شہروں پر حماس کے 7 اکتوبر کے حملوں کو “دہشت گردی” قرار دیا، لیکن تل ابیب کے ردعمل کو نوٹ کیا کہ اسرائیل کی بین الاقوامی ذمہ داری ہے کہ وہ انسانی حقوق کی پاسداری کرے۔ جے شنکر نے کہا کہ یہ ضروری ہے کہ اسرائیل شہری ہلاکتوں کے بارے میں بہت محتاط رہے۔ تنازعہ پر ہندوستان کے موقف کو واضح کرتے ہوئے، انہوں نے کہا کہ اس کے مختلف پہلو ہیں اور ان کو وسیع طور پر چار نکات میں تقسیم کیا گیا ہے۔ انہوں نے کہا، ’’پہلا نکتہ – ہمیں واضح ہونا چاہیے کہ 7 اکتوبر کو جو کچھ ہوا وہ دہشت گردی تھی۔ اس میں کوئی شک نہیں، یہ دہشت گردی تھی۔
جے شنکر نے کہا، ’’دوسرا نکتہ، جیسا کہ اسرائیل نے جوابی کارروائی کی، یہ ضروری ہے کہ اسرائیل کو شہری ہلاکتوں کے بارے میں بہت محتاط رہنا چاہیے تھا۔ انسانی حقوق پر عمل کرنا بین الاقوامی ذمہ داری ہے۔” تیسرے نکتے کا ذکر کرتے ہوئے وزیر خارجہ نے کہا کہ آج یرغمالیوں کی واپسی ضروری ہے۔ انہوں نے کہا کہ چوتھا نکتہ امداد فراہم کرنے کے لیے انسانی ہمدردی کی راہداری کی ضرورت ہے۔
دو ملکی حل پر یقین رکھتا ہے ہندوستان
وزیر خارجہ نے مسئلہ فلسطین پر ہندوستان کے دیرینہ موقف کو بھی اجاگر کیا۔ انہوں نے کہا، “یقینی طور پر ہندوستان طویل عرصے سے دو ملکی حل پر یقین رکھتا ہے۔ ہم نے کئی دہائیوں سے اس پوزیشن کو برقرار رکھا ہے اور میں سمجھتا ہوں کہ آج دنیا کے بہت سے ممالک یہ محسوس کرتے ہیں کہ دو ریاستی حل نہ صرف ضروری ہے بلکہ یہ پہلے سے کہیں زیادہ ضروری ہے۔” واضح رہے کہ 7 اکتوبر کو حماس کے اسرائیلی شہروں پر حملے کے جواب میں اسرائیل غزہ میں اپنی فوجی کارروائی جاری رکھے ہوئے ہے۔
بھارت ایکسپریس۔
اتراکھنڈ یومِ تاسیس کی تقریب میں کانگریس اور راہل گاندھی پر سخت تنقید کرتے ہوئے…
سوریہ کمار اپنے اہل خانہ کے ساتھ نئی دہلی میں وزیر اعظم سے ملاقات کی۔…
وہیں گوا حکومت کی جانب سے پیش ہوئے سالیسٹرجنرل تشارمہتا نے ترون تیج پال کی…
سرائے بنجارہ اسٹیشن کے قریب پیش آیا واقعہ، تین ڈبے بری طرح متاثر اور چوتھے…
نشی کانت دوبے نے اپنے بیان میں جواہرلال نہرو کی پالیسیوں پربھی سنگین سوال اٹھائے۔…
’نوٹس‘ کی سب سے بڑی خوبی اس کا سماجی موضوع اور ارون گوول و دیپیکا…