قومی

بی جے پی اقلیتی مورچہ کی تشکیل نو، نائب صدور، جنرل سکریٹری اور ترجمان کا اعلان، امتیاز احمد کو مسلسل تیسری بار میڈیا چیف کی ذمہ داری

نئی دہلی: بھارتیہ جنتا پارٹی (بی جے پی) دہلی پردیش اقلیتی مورچہ کی تشکیل کی گئی ہے۔ بی جے پی کے ریاستی صدراورمرکزی وزیر مملکت کی منظوری کے بعد اقلیتی مورچہ کے ریاستی صدرانیس عباسی نے فہرست جاری کی۔ فیصل منصوری، شبانہ رحمٰن، کلجیت کور، وسیم وارثی، شیخ رئیسہ تبسم، ناصررضا، وپن جین اورسنجے جین کو نائب صدربنایا گیا ہے۔ اس کے علاوہ عرفان سلمانی، سچن جین، ہرجیندرسنگھ سوڈھی، کو جنرل سکریٹری (مہامنتری) بنایا گیا ہے۔ مصطفیٰ صدیقی کو خازن کی ذمہ داری سونپی گئی ہے۔ جبکہ چیف ترجمان کی ذمہ داری امتیازاحمد کو سونپی گئی ہے۔ یہ ذمہ داری امتیازاحمد کو تیسری باردی گئی ہے۔ خالد علی، انیس صدیقی، چرن جیت سنگھ راجپوت اورچاند میاں عرف ببلوخان کوترجمان بنایا گیا ہے۔ سوشل میڈیا سربراہ کی ذمہ داری نکم حسین کودی گئی ہے جبکہ آئی ٹی سیل کا ہیڈ پردیپ جین کوبنایا گیا ہے۔ وہیں سعید احمد، شبیرحسین، مرشدہ خاتون، وکیل قریشی، ڈیویڈ بابو، ویریندرجین، پریتی سنگھ کومنتری (سکریٹری) بنایا گیا ہے۔ آفس سکریٹری کی ذمہ داری حاجی تابین کو دی گئی ہے۔

صحافی امتیاز احمد کومسلسل تیسری بارمیڈیا چیف کی ذمہ داری سونپی گئی ہے۔ تنظیم کی جانب سے مسلسل تیسری باراعتماد کا اظہار کیے جانے پرامتیازاحمد نے دہلی اقلیتی مورچہ کے صدر انیس عباسی اورپارٹی کی اعلیٰ قیادت کا شکریہ ادا کیا ہے۔ واضح رہے کہ امتیازاحمد گزشتہ کئی برسوں سے بی جے پی سے فعال طورپروابستہ ہیں۔ صحافت کے شعبے میں رہتے ہوئے انہوں نے سماجی، سیاسی اور عوامی مفاد سے متعلق مسائل کو نمایاں طورپراٹھانے کے ساتھ انہیں حکومت اورمتعلقہ حکام تک پہنچانے میں بھی اہم کردارادا کیا ہے۔ سماجی مسائل کے تئیں ان کی سرگرمی اور تنظیم کے لیے ان کی وابستگی کو دیکھتے ہوئے انہیں ایک بار پھریہ اہم ذمہ داری سونپی گئی ہے۔

میڈیا چیف کی ذمہ داری ملنے کے بعد امتیازاحمد نے کہا کہ دنیا کی سب سے بڑی سیاسی جماعت بی جے پی کی جانب سے مسلسل تیسری باران پراعتماد کا اظہاران کے لیے اعزازکے ساتھ ایک بڑی ذمہ داری بھی ہے۔ انہوں نے اس کے لیے اقلیتی مورچہ کے صدرانیس عباسی کا تہہ دل سے شکریہ ادا کرتے ہوئے کہا کہ وہ پوری وفاداری، ایمانداری اورلگن کے ساتھ تنظیم کی ذمہ داریوں کونبھائیں گے۔ امتیازاحمد نے کہا کہ وزیراعظم نریندرمودی کی قیادت میں بی جے پی’’سب کا ساتھ، سب کا وکاس، سب کا وشواس اورسب کا پریاس‘‘ کے منترکے ساتھ سماج کے تمام طبقات کوساتھ لے کرآگے بڑھنے پریقین رکھتی ہے۔ انہوں نے کہا کہ اسی مثبت سوچ کے ساتھ وہ تنظیم کی سرگرمیوں، عوامی خدمت کے پروگراموں اورعوامی مفاد سے متعلق مسائل کومیڈیا اورڈیجیٹل ذرائع کے ذریعے مؤثراندازمیں عوام تک پہنچانے کی مسلسل کوشش کریں گے۔

اس موقع پردہلی اقلیتی مورچہ کے صدرانیس عباسی نے سبھی نومنتخب عہدیدیداران کو مبارکباد پیش کی ہے۔ انہوں نے امتیازاحمد کو مبارکباد پیش کرتے ہوئے کہا کہ امتیازاحمد طویل عرصے سے تنظیم کے ساتھ فعال طورپرکام کررہے ہیں۔ میڈیا کے شعبے میں ان کی سمجھ، سرگرمی اورتنظیم کے تئیں وابستگی کودیکھتے ہوئے ایک بارپھران پراعتماد کا اظہارکیا گیا ہے۔ انیس عباسی نے امید ظاہرکی کہ امتیازاحمد اپنی ذمہ داری کوپوری سرگرمی اورلگن کے ساتھ نبھاتے ہوئے اقلیتی مورچہ کی سرگرمیوں اورعوامی مفاد سے متعلق مسائل کوسماج اورمیڈیا تک مؤثر اندازمیں پہنچانے میں اہم کردارادا کریں گے۔

بھارت ایکسپریس اردو-

Nisar Ahmad

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

3 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

4 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

4 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

5 hours ago