Rakshabandhan: ملک بھر میں دھوم دھام سے منایا جا رہا ہے رکشا بندھن کا تہوار، پی ایم مودی سمیت سرکردہ سیاسی لیڈران نے دی مبارکباد

رکشا بندھن کا تہوار آج (31 اگست) ملک بھر میں جوش و خروش کے ساتھ منایا جا رہا ہے۔ وزیر اعظم نریندر مودی نے 7 لوک کلیان مارگ، دہلی میں واقع وزیر اعظم کی رہائش گاہ پر بچوں کے ساتھ رکھشا بندھن کا تہوار منایا۔ رکشا بندھن تہوار کے موقع پر کئی بچے وزیر اعظم کی رہائش گاہ پہنچے اور پی ایم مودی کو راکھی باندھی۔ پی ایم کو راکھی باندھنے کے بعد بچوں نے کہا کہ انہیں وزیر اعظم نریندر مودی سے مل کر بہت اچھا لگا۔ پی ایم مودی زمین سے جڑے ہوئے ہیں۔ بچوں نے یہ بھی کہا کہ وزیر اعظم سے ملاقات کے بعد ان کا راکھی کا تہوار بہت خاص ہو گیا ہے۔

ایکس پر پوسٹ کرتے ہوئے پی ایم مودی نے لکھا کہ 7، لوک کلیان مارگ پر ایک بہت ہی خاص رکشا بندھن کا تہوار منایا گیا۔ میں اور میرے نوجوان دوستوں نے بہت سے موضوعات پر بات کی۔ انہوں نے چندریان 3 اور خلا میں ہندوستان کی ترقی پر اپنی خوشی کا اظہار کیا۔ انہوں نے شاندار اشعار بھی سنائے۔

 

ممتا نے ادھو ٹھاکرے کو باندھی راکھی

دوسری جانب مغربی بنگال کی وزیر اعلیٰ ممتا بنرجی نے ممبئی میں شیوسینا کے سربراہ ادھو ٹھاکرے کی رہائش گاہ پہنچ کر راکھی باندھی۔ ممتا بنرجی انڈیا الائنس کی میٹنگ میں شرکت کے لیے یہاں پہنچی ہیں۔

سی ایم یوگی نے دی رکشا بندھن کی مبارکباد

وہیں یوپی کے سی ایم یوگی آدتیہ ناتھ نے ایکس پر رکشا بندھن کی مبارکباد دیتے ہوئے کہا کہ بھائی بہن کی محبت سے سرشار عظیم تہوار رکشا بندھن پر ریاست کے تمام بھائیوں، بہنوں اور عوام کو دل کی گہرائیوں سے مبارکباد اور بیشمار نیک خواہشات! ہماری خواہش ہے کہ یہ پاک تہوار ہم سب میں ایک دوسرے کے تئیں احترام، تعاون اور ہم آہنگی کا جذبہ پیدا کرے۔

 

کانگریس صدر ملکارجن کھڑگے نے کہا کہ بھائیوں اور بہنوں کے درمیان محبت، اعتماد اور پیار کا تہوار رکشا بندھن پر سب کو نیک خواہشات۔ رکشا بندھن کا منفرد تہوار ذات پات، مذہب اور عقیدے سے بالاتر ہو کر باہمی بھائی چارے اور ہم آہنگی کو فروغ دیتا ہے اور ہندوستانی معاشرے میں خواتین کی مساوات کو اجاگر کرتا ہے۔ امید ہے کہ راکھی کا یہ تہوار تمام ہم وطنوں کی زندگیوں میں محبت، ہم آہنگی، بھائی چارہ اور باہمی خیر سگالی کو فروغ دے گا۔

 

بھارت ایکسپریس۔