Bihar Floor Test: ’ہم ناچنے-گانے والے نہیں، آپ کا دل لگانے کے لئے نہیں ہیں‘، فلورٹسٹ کے دوران تیجسوی یادو کا نتیش کمار پر بڑا حملہ

تیجسوی یادو نے نتیش کمارپرطنزکرتے ہوئے کہا ’آپ نے کہا یہاں من (دل) نہیں لگ رہا ہے، ہم لوگ ناچنے گانے کے لئے تھوڑی نہ ہیں، نتیش جی آپ کیکئی کو پہچانئے۔ آپ کے ساتھ کون کون کیکئی ہے۔‘ تیجسوی یادونے کہا کہ کرپوری ٹھاکرنے ریزرویشن دیا، لیکن ان کی جن سنگھ نے مخالفت کی اورحیرت کی بات ہے کہ نتیش کماراسی جن سنگھ کے ساتھ جاکربیٹھ گئے۔ تیجسوی یادونے کہا کہ جدوجہد کرتے رہیں گے اورڈریں گے نہیں۔

’مودی کو ہم لوگ روکیں گے’

تیجسوی یادو نے کہا کہ نتیش کمار نے کہا کہ جوذمہ داری آپ نے مودی جی کو بہار میں روکنے کا اٹھایا تھا، وہ اب آپ کا بھتیجا پورا کرے گا۔ انہوں نے کہا کہ ابھی بھی بہارمیں عظیم اتحاد قائم ہے۔ انہوں نے کہا کہ سی پی آئی اورلیفٹ کے دوسرے گروپوں کے ساتھ کانگریس اور آرجے ڈی کی قیادت جاری ہے۔ انہوں نے یہ بھی کہا کہ ’نتیش جی کی کیا مجبوری تھی، ہم کو نہیں معلوم۔ تھکے ہوئے وزیراعلیٰ سے ہم نے کام کروایا۔‘ تیجسوی یادو نے الزام لگایا کہ بی جے پی کے لوگ احترام نہیں ڈیل کرتے، ڈیلنگ کرتے ہیں اورہمارے اندرلالو جی کا خون ہے، ہم ان کا بیٹا ہیں، جدوجہد کرتے ہیں اورکرتے رہیں گے۔