Adani Hindenburg Case: سپریم کورٹ نے خارج کی ہنڈن برگ معاملے پر ازسرنو عرضی، جانئے چیف جسٹس نے کیا کہا؟

سپریم کورٹ کی تین رکنی بینچ نے اپنے حکم میں کہا، ریویوپٹیشن پرغور کرنے کے بعد ہم نے پایا کہ ریکارڈ میں واضح طورپر کوئی غلطی نہیں ہے۔ سپریم کورٹ ضابطہ 2013 کے حکم XLVII ضابطہ 1 کے تحت جائزہ لینے کے لئے کوئی معاملہ نہیں بنتا ہے۔ اس لئے، ریویوپٹیشن خارج کردی جاتی ہے۔ اس ریویو پٹیشن پرتینوں جسٹس نے چیمبرمیں غورکیا تھا۔

24 میں سے 22 معاملوں کی سماعت ہوئی مکمل

دراصل، 3 جنوری کوسپریم کورٹ نے سی بی آئی یا ایس آئی ٹی جانچ کا حکم دینے سے انکارکردیا تھا۔ اس فیصلے کواڈانی گروپ کی بڑی جیت قراردیا گیا۔ ساتھ ہی عدالت نے اپنے فیصلے میں کہا تھا کہ مارکیٹ ریگولیٹرسیبی الزامات کی جانچ کر رہا ہے۔ عرضی میں کہا گیا کہ سیبی نے اپنی رپورٹ میں صرف سپریم کورٹ کوالزامات کے بعد کی گئی 24 تحقیقات کے بارے میں اپ ڈیٹ کیا تھا، آیا وہ مکمل تھیں یا نا مکمل، لیکن اس نے کوئی تفصیلات ظاہرنہیں کیں۔ اس دوران سپریم کورٹ نے اپنے فیصلے میں کہا تھا کہ سیبی نے ان 24 معاملات میں سے 22 میں اپنی تحقیقات مکمل کرلی ہیں، جہاں اڈانی گروپ کے خلاف الزامات لگائے گئے تھے۔

بھارت ایکسپریس۔