Shubhanshu Shukla Return from ISS: شبھانشو شکلا کی کامیاب واپسی سے ملک میں زبردست خوشی کا ماحول: دیکھیں ویڈیو

شبھانشو شکلا سمیت چار خلاباز 18 دنوں کے بعد خلا سے زمین پرواپس آگئے ہیں۔ ڈریگن خلائی جہاز23 گھنٹے کے سفرکے بعد کیلیفورنیا کے سمندر پراترا۔ چاروں خلابازایک دن پہلے شام کوآئی ایس ایس سے زمین کے لیے روانہ ہوئے تھے۔ وزیراعظم نریندرمودی نے کیپٹن شبھانشو شکلا کی بحفاظت واپسی پرخوشی کا اظہارکیا ہے۔ انہوں نے خلا سے زمین پرواپسی کے اس سفرکوسنگ میل قراردیا ہے۔

شبھانشوشکلا کے زمین پر واپس آنے کے بعد خیرمقدم کرتے ہوئے وزیراعظم نریندرمودی نے ایکس پرلکھا، ’’میں گروپ کیپٹن شبھانشو شکلا کے استقبال میں ملک کے ساتھ شامل ہوں، کیونکہ وہ خلا میں اپنے تاریخی مشن سے زمین پر واپس آئے ہیں۔ بین الاقوامی خلائی اسٹیشن کا دورہ کرنے والے ہندوستان کے پہلے خلاباز کے طورپر، انہوں نے اپنی لگن، ہمت اورخلائی مشن کے ذریعے ایک ارب خوابوں کومتاثرکیا ہے۔ یہ ہمارے اپنے انسانی خلائی پروازمشن – گگن یان کی طرف ایک اور سنگ میل ہے۔‘‘