Sharad Pawar taunts PM Modi on Women’s Reservation Bill: ویمن ریزرویشن بل کے متعلق شرد پوار کا پی ایم مودی پر طنز، کہا- پی ایم مودی کو نہیں ہے مکمل جانکاری

خواتین ریزرویشن بل: نیشنلسٹ کانگریس پارٹی (این سی پی) کے سربراہ شرد پوار نے منگل (26 ستمبر) کے روز وزیر اعظم نریندر مودی کے راجستھان کے جے پور میں خواتین کے ریزرویشن بل کے بارے میں اپوزیشن پر تنقید کرنے کے بیان پر جوابی حملہ کیا۔ شرد پوار نے کہا، ’’سال 1993 میں ہم نے خواتین کو ریزرویشن دیا تھا۔ مہاراشٹر خواتین کو ریزرویشن دینے والی ملک کی پہلی ریاست تھی۔ شاید پی ایم نریندر مودی کو یہ معلوم نہیں ہے۔” دراصل پی ایم مودی نے پیر (25 ستمبر) کو دعویٰ کیا تھا کہ اپوزیشن جماعتوں نے آپ (خواتین) کے دباؤ میں خواتین ریزرویشن بل کی حمایت کی ہے۔

سابق مرکزی وزیر شرد پوار نے مزید کہا، “کل ملک کے وزیر اعظم (نریندر مودی) نے کہا کہ خواتین کے ریزرویشن کا فیصلہ پارلیمنٹ میں متفقہ طور پر لیا گیا تھا۔ پارلیمنٹ کے دو ارکان کے علاوہ کسی نے بھی خواتین ریزرویشن بل کی مخالفت نہیں کی۔ ہماری تجویز اور مطالبہ یہ تھا کہ آئینی ترمیم کے دوران او بی سی کو بھی موقع دیا جائے۔

پی ایم مودی کو نہیں دی گئی مناسب جانکاری: پوار

شرد پوار نے کہا کہ اس وقت کی کانگریس حکومت کے دوران 73ویں آئینی ترمیم کے بعد بلدیاتی اداروں میں خواتین کے لیے 33 فیصد کوٹہ فراہم کیا گیا تھا۔ جب میں وزیر دفاع تھا تو فوج، بحریہ اور فضائیہ میں خواتین کو گیارہ فیصد ریزرویشن دیا گیا تھا۔ انہوں نے کہا کہ یہ بدقسمتی کی بات ہے کہ پی ایم مودی کو اس سلسلے میں مناسب جانکاری نہیں دی گئی۔ اسی وجہ سے انہوں نے کانگریس کے خلاف ایسے بیانات دیئے۔

حکومت ہند کی خارجہ پالیسی کی مکمل حمایت

خالصتان کے حامی ہردیپ سنگھ نجر کے قتل پر ہندوستان اور کینیڈا کے درمیان تنازع جاری ہے۔ اسی بیچ شرد پوار نے کہا کہ ایک ہندوستانی شہری اور پارلیمنٹ کا رکن ہونے کے ناطے میں حکومت ہند کی خارجہ پالیسی کی مکمل حمایت کرتا ہوں۔

پی ایم مودی نے کیا کہا؟

بتا دیں کہ پی ایم مودی نے پیر کے روز کہا کہ کانگریس اور اس کے نئے گھمنڈیا اتحاد نے دباؤ میں پارلیمنٹ میں خواتین ریزرویشن بل کی حمایت کی کیونکہ ان کے پاس کوئی آپشن نہیں تھا۔ آپ کو بتاتے چلیں کہ کانگریس، عام آدمی پارٹی، این سی پی اور ٹی ایم سی سمیت 28 جماعتوں کے اپوزیشن اتحاد کا نام ‘انڈیا’ ہے۔ اسی کو پی ایم مودی گھمنڈیا اتحاد کہتے ہیں۔

بھارت ایکسپریس۔