Shahi Idgah Masjid Case: شاہی مسجدعیدگاہ-کرشن جنم بھومی معاملے پر نہیں ہوئی سماعت، سپریم کورٹ میں اب آئندہ سال ہوگی سماعت

نئی دہلی: شاہی عیدگاہ مسجد-کرشن جنم بھومی معاملے سے متعلق سپریم کورٹ اب سردی کی چھٹیوں کے بعد سماعت کرے گی۔ یہ بات چیف جسٹس آف انڈیا کی بینچ نے کہی ہے۔ پہلے آج ہی سب سے آخرمیں سماعت ہونے کی بات تھی۔ اس طرح ممکنہ طورپراب اس معاملےکی آئندہ سماعت جنوری 2025 میں ہوگی۔

اطلاعات کے مطابق، کہا جا رہا تھا کہ آج چیف جسٹس آف انڈیا کی بینچ پہلے دوسرے معاملوں پرسماعت کرے گی اورآخرمیں اس پرسماعت ہوگی۔ واضح رہے کہ آج کی سماعت کے لئے بنی فہرست میں دوپہر2 بجے کا ہی وقت اس معاملے کے لئے متعین تھا۔ چیف جسٹس سنجیو کھنہ اس معاملے میں کہہ چکے ہیں کہ الہ آباد ہائی کورٹ پاس اصل دائرہ اختیار نہیں ہے، اس لئے ہائی کورٹ کومنتقلی غیرمعمولی دائرہ اختیارمیں ہوگا۔