SC Collegium: کالجیم کی سفارش کے باوجود ہائی کورٹ کے ججوں کی تقرری نہیں ہوتی ہے تو اس معاملہ پر سپریم کورٹ کرے گی سماعت

سپریم کورٹ کالجیم کی سفارش کے باوجود ملک کی مختلف ہائی کورٹس میں ججوں اور چیف جسٹسوں کی تقرری نہ ہونے پر سپریم کورٹ 20 ستمبر کو سماعت کرے گی۔ حالانکہ اٹارنی جنرل نے سی جے آئی کے سامنے ذکر کیا اور سماعت ملتوی کرنے کا مطالبہ کیا لیکن عدالت نے سماعت ملتوی کرنے سے انکار کر دیا۔ حال ہی میں، اٹارنی جنرل آر. وینکٹرامانی نے اپنا جواب داخل کیا تھا۔ جس کے بعد کالجیم نے جولائی میں کی گئی اپنی سفارشات پر دوبارہ غور کیا ہے۔

11 جولائی کو 7 ہائی کورٹس کے چیف جسٹس کی تقرری کے لیے مرکزی حکومت کو سفارش بھیجی گئی۔ اب کالجیم نے تین تبدیلیاں کی ہیں۔ سی جے آئی  چندرچوڑ، جسٹس سنجیو کھنہ اور جسٹس بی آر گاوائی پر مشتمل کالجیم نے پہلے کے ناموں پر دوبارہ غور کیا۔ کالجیم نے اس سے قبل جسٹس سریش کمار کیتھ کو جموں و کشمیر اور لداخ ہائی کورٹ کے چیف جسٹس، جسٹس جی ایس سندھوالیا کو مدھیہ پردیش ہائی کورٹ کے چیف جسٹس اور جسٹس تاشی ربستان کو میگھالیہ ہائی کورٹ کا چیف جسٹس بنانے کی سفارش کی تھی۔

عدالت ایڈوکیٹ ہرش وبور سنگھل کی طرف سے دائر درخواست کی سماعت کر رہی ہے۔ جس میں مرکز نے سپریم کورٹ کالجیم کی طرف سے سفارش کردہ ججوں کی تقرریوں کو مطلع کرنے کے لیے ایک مقررہ وقت کی حد کا مطالبہ کیا ہے۔ اٹارنی جنرل نے عدالت میں کہا کہ ان معاملات کو پبلک کرنا نہ تو ادارے کے مفاد میں ہوگا اور نہ ہی اس میں شامل ججز کے مفاد میں۔ انہوں نے کہا کہ مجھے کچھ معلومات ملی ہیں، جو خفیہ اور حساس ہیں، میں اسے ریکارڈ پر رکھنا چاہوں گا۔