Udhayanidhi Stalin Remarks On Sanatana Dharma: ادھیا ندھی اسٹالن کے سناتن دھرم والے بیان پر کرشنا شاستری کا رد عمل ،کہا یہ راون کے خاندان کے ہیں

تمل ناڈو کے وزیر اعلی ایم کے اسٹالن  کے فرزند اور وزیر ادھیانیدھی اسٹالن کے ‘سناتنا دھرم کے خاتمے’ کے بیان پر تنازع بڑھتا جا رہا ہے۔ اب دھیریندر کرشنا شاستری نے بھی ادھیاندھی کے متنازعہ بیان پر تبصرہ کیا ہے۔ دھیریندر شاستری نے ادھیاندھی کو ‘راون کے خاندان کے لوگ’ کہا ہے۔

دھیریندر شاستری نے کہا، “وہ راون کے خاندان کے لوگ ہیں، اگر ہندوستان میں رہنے والا کوئی ہندوستانی ایسا کہتا ہے تو اس نے ہندوستان میں رہنے والے تمام سناتنیوں کے دلوں کو ٹھیس پہنچائی ہے۔ یہ رام کا ملک ہے اور جب تک رام ملک میں رہے گا،” جب تک سورج اور پانی ہے یہ زمین آبا د رہے گی۔ ایسے بہت سے لوگ آئیں گے اور جائیں گے۔ ایسے جانوروں کو جواب نہیں دینا چاہیے۔”

سناتن دھرم پر متنازعہ بیان دینے پر ادھیاندھی اسٹالن کے خلاف دہلی پولیس میں دو الگ الگ شکایتیں درج کی گئی ہیں۔ یہ شکایتیں سپریم کورٹ کے وکیل ونیت جندال اور ہندو سینا کے سربراہ وشنو گپتا نے دائر کی ہیں۔

ادھیانیدھی اپنے متنازعہ بیان پر قائم ہیں

تمل ناڈو کے وزیر اعلی اسٹالن کے بیٹے ادھیاندھی اسٹالن کا سناتن پر بیان ہی وہ ہے جس کے لیے وہ سیاسی جماعتوں کی طرف سے تنقید کی زد میں ہیں، پھر بھی وہ اپنے بیان پر قائم ہیں۔ ادھیانیدھی نے سناتن دھرم کو ختم کرنے کی بات کی تھی جس کے بعد یہ معاملہ گرم ہوگیا ہے۔

تمل ناڈو بی جے پی کے صدر کے. انامالائی نے سناتن کے معنی ادھیانیدھی اسٹالن کو سمجھائے۔ انہوں نے کہا، سناتن دھرم کا لفظ عیسائیت یا اسلامی مذہب آنے سے پہلے بھی موجود تھا، سناتن دھرم کا مطلب ہے ، لازوال مذہب، یہ ایک طویل عرصے سے موجود ہے۔ ادھیانیدھی نے جو کہا اس کی ملک کے 142 کروڑ عوام کو مذمت کرنی چاہئے کیونکہ ایک خاص مذہب کے تئیں نفرت کھل کر سامنے آچکی ہے، ایسے میں سناتن دھرم کو ختم کرنے والا ادھیاندھی اسٹالن کون ہے؟