Sachin Pilot News: لوک سبھا الیکشن کے درمیان کانگریس نے سچن پائلٹ کو دی ایک اور اہم ذمہ داری

کانگریس نے دہلی میں لوک سبھا الیکشن کے لئے سچن پائلٹ، چودھری بیریندرسنگھ اورڈاکٹرسی پی جوشی کو آل انڈیا کانگریس کمیٹی (اے آئی سی سی) کا آبزرورمقررکیا ہے۔ سچن پائلٹ چھتیس گڑھ کانگریس کے انچارج ہیں۔ جہاں تیسرے مرحلے میں کل ووٹنگ ہونی ہے۔ وہیں دہلی میں لوک سبھا کی سات سیٹوں پر25 مئی کوالیکشن ہوں گے۔ کانگریس اورعام آدمی پارٹی الائنس میں انتخابی میدان میں اتری ہے۔ کانگریس کے کوٹے میں جہاں تین سیٹیں گئی ہیں۔ وہیں باقی بچی چار سیٹوں پرعام آدمی پارٹی کے امیدوار میدان میں ہیں۔

وہیں، چودھری یریندرسنگھ کانگریس چھوڑکربی جے پی میں آئے ہیں۔ مانا جا رہا تھا کہ ہریانہ میں پارٹی انہیں لوک سبھا الیکشن کا ٹکٹ دے سکتی ہے، لیکن ایسا نہیں ہوپایا۔ ڈاکٹر سی پی جوشی راجستھان اسمبلی کے سابق اسپیکر ہیں۔ کانگریس کے قدآورلیڈرمانے جانے والے ڈاکٹرسی پی جوشی راجستھان میں اسمبلی کا الیکشن ہارگئے تھے۔

گہلوت اور بگھیل کوبھی کانگریس نے دی ذمہ داری

 اس سے پہلے کانگریس نے امیٹھی اورائے بریلی پارلیمانی سیٹوں پرکانگریس کے دوسابق وزرائے اعلیٰ کو بطورسینئرآبزرورمقررکیا۔ رائے بریلی سیٹ پرچھتیس گڑھ کے سابق وزیراعلیٰ بھوپیش بگھیل اورامیٹھی سیٹ پرراجستھان کے سابق وزیراعلیٰ اشوک گہلوت کو سینئر آبزرور بنایا گیا۔

دہلی میں کانگریس تین سیٹوں پر لڑ رہی ہے الیکشن

دہلی میں سیٹ شیئرنگ کے تحت کانگریس کے کھاتے میں جو سیٹیں آئی ہیں، ان میں شمال مشرقی دہلی، مغربی دہلی اور چاندنی چوک سیٹ آئی ہیں۔ شمال مشرقی دہلی سے کنہیا کمار، مغربی دہلی سے ادت راج اور چاندنی چوک سیٹ سے جے پرکاش اگروال پارٹی کے امیدوارہیں۔ شمال مشرقی دہلی سے بی جے پی نے منوج تیواری، شمالی دہلی سے کمل جیت سہراوت اور چاندنی چوک سے پروین کھنڈیل وال کو ٹکٹ دیا ہے۔

کنہیا کمار نے داخل کی پرچہ نامزدگی