قومی

Rahul Gandhi Press Conference in Punjab: …راہل گاندھی نے کہا- ‘میں آر ایس ایس دفتر میں نہیں جاسکتا، میرا گلا کاٹنا پڑے گا’

Bharat Jodo Yatra Press Conference in Punjab: پنجاب کے ہوشیار پورمیں کانگریس لیڈر راہل گاندھی نے ملک میں امیروں اورغریبوں کے درمیان بڑھتی ہوئی دوری کا موضوع اٹھایا۔ راہل گاندھی نے کہا، ملک کے ایک فیصد لوگوں کے پاس ملک کی 40 فیصد جائیداد ہے۔ انہوں نے کہا کہ ملک میں 21 لوگوں کے پاس اتنا پیسہ ہے، جتنا 70 کروڑ لوگوں کے پاس ہے۔ ‘بھارت جوڑو یاترا’ کے تحت کانگریس لیڈر راہل گاندھی نے پنجاب کے ہوشیارپورمیں پریس کانفرنس سے خطاب کیا۔ اس پریس کانفرنس کا انعقاد پہلے ہی ہونا تھا، لیکن یاترا کے دوران کانگریس رکن پارلیمنٹ سنتوکھ سنگھ چودھری کی موت کے بعد اسے ملتوی کردیا گیا تھا۔

سیکورٹی میں لاپرواہی سے متعلق کیا کہا؟

راہل گاندھی نے پریس کانفرنس کے دوران سیکورٹی میں لاپرواہی کی خبروں پر ردعمل ظاہر کرتے ہوئے کہا، ‘کون سی سیکورٹی میں لاپرواہی ہوئی تھی۔ وہ مجھے گلے لگانے آیا تھا اور بہت پُرجوش تھا۔ اسے سیکورٹی میں چوک نہیں کہیں گے، یاترا میں ایسا ہوتا رہتا ہے’۔

کانگریس لیڈرنے کہا، ‘بھارت کے سبھی اداروں کو آر ایس ایس اور بی جے پی کنٹرول کر رہی ہے۔ سبھی اداروں پر ان کا دباؤ ہے۔ الیکشن کمیشن، نوکرشاہی، عدلیہ پرانہوں نے قبضہ کر رکھا ہے۔ جو پہلے سیاسی لڑائی ہوتی تھی، ویسی لڑائی نہیں ہے۔ اب لڑائی بھارت کے اداروں اور اپوزیشن کے درمیان ہے’۔

امیر-غریب کے درمیان بڑھتی ہوئی دوری

راہل گاندھی نے ملک میں امیروں اور غریبوں کے درمیان بڑھتی ہوئی دوری پر بھی سوال اٹھایا۔ کانگریس نے کہا کہ ملک کے 50 فیصد سب سے غریب لوگ 64 فیصد جی ایس ٹی دیتے ہیں۔ وہیں، ملک کے 10 فیصد سب سے امیر لوگ صرف تین فیصد جی ایس ٹی دیتے ہیں۔ انہوں نے مزید کہا کہ ملک کی 40 فیصد جائیداد پر ایک فیصد امیروں کا قبضہ ہے، جبکہ ملک کی 50 فیصد آبادی کی جائیداد کی مالک صرف تین فیصد لوگ ہیں۔ انہوں نے کہا کہ ملک کا میڈیا ان چیزوں پر سوال نہیں کرتا ہے۔

یہ بھی پڑھیں:   Arvind Kejriwal in Delhi Assembly: کیجریوال نے کہا- ‘کچھ بھی مستقل نہیں، کل ہوسکتا ہے کہ مرکز میں ہماری حکومت ہو’

ورون گاندھی کو گلے لگا سکتا ہوں: راہل گاندھی

بی جے پی رکن پارلیمنٹ ورون گاندھی پر کانگریس کے سابق صدر راہل گاندھی نے کہا، ‘وہ بی جے پی میں ہیں، میرا نظریہ ان سے نہیں ملتا۔ میں آرایس ایس کے دفتر میں نہیں جاسکتا چاہے میرا گلا کاٹ دیا جائے۔ ورون نے اس نظریے کو اپنایا۔ ان سے مل سکتا ہوں، گلے لگا سکتا ہوں، لیکن ان کا نظریہ نہیں اپنا سکتا’۔

-بھارت ایکسپریس

Nisar Ahmad

Recent Posts

Amit Shah Igas Bagwal Wishes: مرکزی وزیر داخلہ امت شاہ، وزیر اعلیٰ دھامی اور یوگی آدتیہ ناتھ نے ایگاس تہوار کی دی مبارکباد

مرکزی وزیر داخلہ امت شاہ نے اپنے سرکاری ایکس اکاؤنٹ پر پوسٹ کرتے ہوئے لکھا،…

51 minutes ago

Yogi Adityanath’s Mother Dies: یوگی آدتیہ ناتھ کی والدہ ساوتری دیوی کا 91 سال کی عمر میں انتقال، آبائی گاؤں پنچور میں لی آخری سانس

وزیر اعلیٰ یوگی آدتیہ ناتھ کا خاندان اتراکھنڈ کے پاؤڑی گڑھوال ضلع کے پنچور گاؤں…

2 hours ago

Gold and Silver Plunge Amid Strong Dollar: مضبوط ڈالر کے سامنے سونا اور چاندی بے حال، قیمتوں میں تقریباً 5 فیصد کی بڑی گراوٹ

بین الاقوامی بازار میں سونے اور چاندی میں منافع وصولی کا رجحان دیکھا جا رہا…

2 hours ago

Amit Shah Celebrates Igas Festival: امت شاہ نے انل بلونی کے گھر منایا ایگاس کا تہوار، کیوں منایا جاتا ہے یہ اتراکھنڈ کا تہوار؟

امت شاہ نے ایکس اکاؤنٹ پر پوسٹ کرتے ہوئے لکھا کہ اتراکھنڈ کی مالا مال…

2 hours ago