جموں میں پی ڈی پی کارکنان کا بی جے پی کے خلاف احتجاجی مظاہرہ
جموں: پیپلز ڈیموکریٹک پارٹی (پی ڈی پی) کے کارکنوں نے ہفتہ کو یہاں پارٹی ہیڈکوارٹر کے باہر جموں و کشمیر میں بیرونی لوگوں کو آباد کرنے کی مبینہ کوششوں سمیت مختلف مسائل پر احتجاجی ریلی نکالنے کی کوشش کی جس کے بعد پولیس نے انہیں حراست میں لے لیا۔ بھارتیہ جنتا پارٹی (بی جے پی) کے خلاف نعرہ بازی کر رہے پی ڈی پی کارکنوں نے اسمارٹ بجلی میٹر لگانے اور وادی میں ہندوؤں کو نشانہ بناکر حملہ کرنے کے تعلق سے بھی اپنے غصے کا اظہار کیا ۔ پارٹی جنرل سکریٹری امرک سنگھ رین کی قیادت میں پی ڈی پی کے درجنوں لیڈران اور کارکنان گاندھی نگر میں پارٹی ہیڈکوارٹر سے باہر نکلے اور پاس کے جموں-ایئرپورٹ روڈ کی طرف مارچ نکالنا شروع کر دیا۔
احتیاط کے طور تحویل میں لیے گئے مظاہرین
وہیں ایک افسر نے بتایا کہ پولیس نے مظاہرین کو روک دیا اور ان میں سے کئی کو احتیاط کے طور تحویل میں لے لیا۔ پی ڈی پی نے جموں و کشمیر انتظامیہ کی طرف سے جاری کردہ حالیہ وضاحت کے باوجود احتجاج کیا کہ پانچ مرلہ زمین کسی بھی باہری شخص کو الاٹ نہیں کی جا رہی ہے اور اس سلسلے میں قانون میں کوئی تبدیلی نہیں کی گئی ہے۔ وہیں پی ڈی پی کی سربراہ محبوبہ مفتی نے الزام لگایا ہے کہ بے گھر لوگوں کو مکانات فراہم کرنے کا اقدام مرکز کے زیر انتظام علاقے کی آبادی کو تبدیل کرنے کی کوشش ہے۔
‘1.83 لاکھ خاندانوں کے پاس اپنا مکان نہیں’
واضح رہے کہ لیفٹیننٹ گورنر منوج سنہا نے 3 جولائی کو کہا تھا کہ ان کی انتظامیہ نے پردھان منتری آواس یوجنا (PMAY) کے تحت بے زمین خاندانوں کو ان کے مکانات کی تعمیر کے لیے 150 مربع گز کے پلاٹ فراہم کرنا شروع کر دیے ہیں۔ سنہا نے کہا تھا، “محکمہ دیہی ترقی نے 1.83 لاکھ خاندانوں کی نشاندہی کی ہے جن کے پاس اپنا مکان نہیں ہے۔ ہم اس پر کام کر رہے ہیں. یہ ایک ایسا قدم ہے جو نہ صرف انہیں گھر فراہم کرے گا بلکہ ان کی زندگیوں میں بھی تبدیلی لائے گا۔ انہوں نے کہا تھا کہ مرکز کے زیر انتظام علاقے میں 2711 بے زمین خاندانوں کو پہلے ہی پلاٹ الاٹ کیے جا چکے ہیں۔
‘مہاجر کشمیری پنڈتوں کو فراہم کریں زمین’
دوسری جانب حراست میں لیے گئے افراد میں شامل پی ڈی پی کی جموں یونٹ کے لیڈر پرویز وفا نے پولیس کارروائی کی مذمت کی اور کہا کہ باہر سے لوگوں کو جموں و کشمیر میں آباد کیا جانے پر ان کی پارٹی خاموش نہیں رہے گی۔ انہوں نے کہا کہ زمین جموں و کشمیر کے لوگوں کی ہے اور اسے مہاجر کشمیری پنڈتوں کو فراہم کریں، کسی کو کوئی اعتراض نہیں ہوگا۔
یہ بھی پڑھیں: کانگریس صدر نے شمال مشرق کے کانگریس لیڈران کے ساتھ کی میٹنگ، منی پور میں امن و سلامی بحال کرنے کی اپیل کی
بھارت ایکسپریس۔
یہ انکاؤنٹر پیلی بھیت کے پورن پور تھانہ علاقے میں ہواہے۔پولیس کو اطلاع ملنے کے…
اللو ارجن کے والد نے کہا کہ فی الحال ہمارے لیے کسی بھی چیز پر…
روپ وے پراجیکٹ پر وشنو دیوی سنگھرش سمیتی کے ارکان کا کہنا ہے کہ تشکیل…
اپیندر رائے نے اس ملاقات کے بارے میں اپنی ایکس پوسٹ میں لکھا کہ، ’’چیف…
ورکنگ پروگرام کے تحت دونوں ملکوں کے درمیان کھیلوں کے میدان میں دوطرفہ تعاون کو…
وزیر اعظم نریندر مودی کا کویت کا دو روزہ دورہ ختم ہو گیا ہے اور…