وزیر اعظم نریندر مودی
وزیراعظم نریندرمودی نے عام بجٹ کوایک ایسا بجٹ قراردیا ہے، جومتوسط طبقے (مڈل کلاس) کومضبوطی فراہم کرے گا۔ انہوں نے کہا کہ یہ بجٹ معاشرے کے ہرطبقے کوتقویت دینے والا ہے۔ یہ ایک ایسا بجٹ ہے، جو نوجوانوں کوبے شمارنئے مواقع فراہم کرے گا۔ یہ ایک ایسا بجٹ ہے، جودلتوں، قبائلیوں اورپسماندہ طبقات کو مضبوط کرے گا۔ اس بجٹ سے چھوٹے تاجروں اورایم ایس ایم ای ایس کوترقی کی نئی راہ ملے گی۔
وزیراعظم مودی نے کہا کہ بجٹ میں مینوفیکچرنگ اورانفراسٹرکچرپربہت زیادہ توجہ دی گئی ہے۔ اس سے معاشی ترقی کونئی تحریک ملے گی۔ بجٹ میں ملک میں غربت کے خاتمے کا خاص خیال رکھا گیا ہے۔ پچھلے 10 سالوں میں 25 کروڑلوگ غربت سے باہرنکلے ہیں۔ انہوں نے کہا کہ اس بجٹ سے تعلیم اوراسکل کونیا پیمانہ ملے گا۔ یہ بجٹ نئے مڈل کلاس کوطاقت دے گا۔ اس بجٹ سے خواتین، چھوٹے تاجروں، ایم ایس ایم ای کومدد ملے گی۔
بجٹ میں مینوفیکچرنگ اورانفراسٹرکچر پربہت زیادہ زور: وزیراعظم مودی
اپنے خطاب میں وزیراعظم مودی نے کہا،”یہ قبائلی برادری، دلتوں اورپسماندہ طبقات کوبااختیاربنانے کا بجٹ ہے۔ مینوفیکچرنگ اورانفراسٹرکچرپربجٹ میں بہت زیادہ توجہ دی گئی ہے۔” مرکزی بجٹ میں بہارمیں تین ایکسپریس وے اوربکسرمیں دریائے گنگا پردونئے پل بنانے کے لئے 26 ہزارکروڑروپئے فراہم کرنےکی تجویزدی گئی ہے۔ اسی طرح مرکزی حکومت امراوتی کودارالحکومت کے طور پرتیارکرنے کے لئے آندھرا پردیش کو15 ہزار کروڑ روپئے دینے جا رہی ہے۔
این ویڈیا کے سابق سربراہ نے بورڈ کی آزادانہ تحقیقات میں تعاون کا یقین دلایا،…
وزیراعظم مودی نے اہم معدنیات اور کان کنی کے شعبے میں مضبوط سپلائی چین قائم…
کواڈ کا قیام 2007 میں عمل میں آیا تھا، جبکہ 2017 میں اس کے درمیان…
منیلا میں کواڈ اجلاس سے خطاب کرتے ہوئے وزیر اعظم نے اس شہر کے ساتھ…
سرمایہ کاروں کو ہر ہفتے 6 سے 11 فیصد منافع دینے کا لالچ دے کر…
چیف جسٹس سوریہ کانت کی سربراہی والی بنچ نے راہل گاندھی اور دیگر درخواست گزاروں…