Budget 2024: مڈل کلاس کو طاقت دینے والا بجٹ، نوجوانوں کو ملیں گے بے شمار مواقع: وزیراعظم مودی کا بڑا دعویٰ

وزیراعظم نریندرمودی نے عام بجٹ کوایک ایسا بجٹ قراردیا ہے، جومتوسط ​​طبقے (مڈل کلاس) کومضبوطی فراہم کرے گا۔ انہوں نے کہا کہ یہ بجٹ معاشرے کے ہرطبقے کوتقویت دینے والا ہے۔ یہ ایک ایسا بجٹ ہے، جو نوجوانوں کوبے شمارنئے مواقع فراہم کرے گا۔ یہ ایک ایسا بجٹ ہے، جودلتوں، قبائلیوں اورپسماندہ طبقات کو مضبوط کرے گا۔ اس بجٹ سے چھوٹے تاجروں اورایم ایس ایم ای ایس کوترقی کی نئی راہ ملے گی۔

وزیراعظم مودی نے کہا کہ بجٹ میں مینوفیکچرنگ اورانفراسٹرکچرپربہت زیادہ توجہ دی گئی ہے۔ اس سے معاشی ترقی کونئی تحریک ملے گی۔ بجٹ میں ملک میں غربت کے خاتمے کا خاص خیال رکھا گیا ہے۔ پچھلے 10 سالوں میں 25 کروڑلوگ غربت سے باہرنکلے ہیں۔ انہوں نے کہا کہ اس بجٹ سے تعلیم اوراسکل کونیا پیمانہ ملے گا۔ یہ بجٹ نئے مڈل کلاس کوطاقت دے گا۔ اس بجٹ سے خواتین، چھوٹے تاجروں، ایم ایس ایم ای کومدد ملے گی۔