-بھارت ایکسپریس
وزیراعظم نریندرمودی نے دنیا کی خراب اقتصادی صورتحال کا حوالہ دیتے ہوئے کہا ہے کہ ہندوستان کے لوگوں کے ساتھ پوری دنیا کی نگاہیں ہندوستان کے بجٹ پر مرکوز ہیں، جو ملک کی وزیرخزانہ نرملا سیتا رمن بدھ کے روزایوان میں پیش کرنے جا رہی ہیں۔ بجٹ سیشن کے پہلے دن میڈیا کو خطاب کرتے ہوئے وزیراعظم نریندر مودی نے کہا کہ بجٹ سیشن کا افتتاح ہورہا ہے۔ ایسے میں چاروں طرف سے معیشت کے حوالے سے مثبت اشارے مل رہے ہیں۔ امید کی کرن آرہی ہے۔ معیشت سے متعلق جن کی آوازکو منظوری ہے، ان کی طرف سے مثبت اشارے مل رہے ہیں۔
دنیا کی نگاہیں ہندوستان کے بجٹ پر مرکوز
وزیراعظم نے کہا کہ آج کے عالمی حالات اورخراب اقتصادی حالات میں صرف ہندوستان کے نہ صرف عوام بلکہ پوری دنیا کی نظریں ہندوستان کے بجٹ پر مرکوز ہیں، جو ملک کی خاتون وزیرخزانہ نرملا سیتا رمن کل ایوان میں پیش کرنے جا رہی ہے۔ انہوں نے کہا کہ انہیں پورا بھروسہ ہے کہ وزیرخزانہ لوگوں کی امیدوں اورتوقعات کو پورا کرنے کے ساتھ ہی ایسا بجٹ لے کر آنے کا بھرپور کوشش کریں گی، جس سے دنیا جو امید کی نظروں سے دیکھ رہی ہے، اسے مزید روشنی کا کرن نظرآئے۔
پارلیمنٹ میں صدر جمہوریہ دروپدی مرمو کا پہلا خطاب
صدرجمہوریہ دروپدی مرمو کے پہلے خطاب کا ذکر کرتے ہوئے وزیراعظم مودی نے اسے ہندوستان کے آئین اورپارلیمانی طرزعمل کے لئے قابل فخر بتاتے ہوئے اسے ناری اورآدیواسیوں کے احترام کا بھی موقع قراردیا۔ انہوں نے سبھی اراکین پارلیمنٹ سے پورے امنگ، جوش اورتوانائی کے ساتھ اس میں شامل ہونے کی اپیل کی۔ بی جے پی کی قیادت والی این ڈی اے حکومت کے انڈیا فرسٹ، سٹیزن فرسٹ کے جذبے کے ساتھ کام کرنے کا دعویٰ کرتے ہوئے وزیراعظم مودی نے کہا کہ انہیں پورا یقین ہے کہ بجٹ سیشن کے دوران اپوزیشن کے ساتھی باریکی سے مطالعہ کرکے پوری تیاری کے ساتھ ایوان میں اپنی بات رکھیں گے اورایوان میں بحث سے ملک کے لئے امرت نکلے گا۔ وزیراعظم مودی نے ایوان میں بحث کرتے ہوئے کہا کہ ایوان میں تکرار بھی رہے گی، لیکن تقریر بھی ہونی چاہئے۔
-بھارت ایکسپریس
بالی ووڈ کے دبنگ خان سلمان خان بھی اپنے مصروف شیڈول سے وقت نکال کر…
ایرانی صدر ابراہیم رئیسی اور وزیر خارجہ حسین امیر عبداللہ ہیلی کاپٹر حادثے میں المناک…
کرناٹک فحش ویڈیو معاملے کے ملزم پرجول ریونّا کے والد ایچ ڈی ریونّا کو راحت…
وزیر اعظم نریندر مودی نے مغربی بنگال کے جھارگرام میں ایک ریلی سے خطاب کرتے…
ذرائع کے مطابق پاکستان میں موجود ایجنٹوں نے انہیں کچھ اسلحہ دینے کا وعدہ کیا…
اسرائیل کے وزیراعظم بنجامن نیتن یاہو اورحماس کے ٹاپ لیڈران کے خلاف انٹرنیشنل کرمنل کورٹ…