PM Modi in Rewari: الیکشن سے پہلے ہریانہ کو AIIMS-میٹرو کا تحفہ، ریواڑی میں پی ایم مودی نے کہا- اب کی بار، این ڈی اے 400 پار

”ریواڑی کے لوگ مودی کو بہت پیار کرتے ہیں“

وزیراعظم مودی نے ریواڑی کے لوگوں کو مخاطب کرتے ہوئے مزید کہا، ”پوری دنیا میں مودی کی گارنٹی کی بہت بحث ہو رہی ہے اوراس میں سب سے پہلے ریواڑی ہی نظرآرہا ہے۔ ریواڑی کے لوگ مودی کو بہت پیارکرتے ہیں۔ سال 2013 میں جب بی جے پی نے پی ایم امیدوارکے طور پر میرے نام کا اعلان کیا، تب میرا پہلا پروگرام ریواڑی میں ہی ہوا تھا۔“

پی ایم مودی نے کانگریس کی تنقید کی

پی ایم مودی نے اپنے خطاب کے دوران کانگریس پربھی حملہ کیا۔ انہوں نے کہا، ”کانگریس کے پاس اب کارکنان نہیں بچے ہیں۔ کانگریس ہمارے خلاف سازش کرتی ہے۔ ہمارے خلاف سازش ہوتی ہے، جس کا جواب عوام دیتی ہے۔ کانگریس ایک پریوار(فیملی) کی پارٹی ہے۔ کانگریس کے پرانے لیڈر سب ایک ایک کرکے چھوڑ کر جارہے ہیں۔ اس بار بھی کانگریس نے میرے خلاف سارے محاذ کھول دیئے ہیں۔ کانگریس کا اب تک کا ٹریک ریکارڈ لوگوں کو چھوٹی اوربنیادی ضرورتوں سے دور رکھنے والا ہے۔ کانگریس کے جو لوگ بھگوان رام کو تصوراتی کہتے تھے، جو کبھی نہیں چاہتے تھے کہ رام مندربنے، وہ بھی جے سیا رام کا نعرہ لگانے لگے ہیں۔“

بھارت ایکسپریس۔