وزیر اعظم نریندر مودی
وزیر اعظم نریندر مودی نے ہفتہ کو سابق وزیر اعظم پی وی نرسمہا راؤ کو ان کی یوم پیدائش پر خراج عقیدت پیش کیا۔ پی ایم مودی نے ان کی قائدانہ صلاحیت اور دانشمندی کی تعریف کرتے ہوئے سوشل میڈیا پلیٹ فارم ’ایکس‘ پر پوسٹ کرتے ہوئے کہا کہ ’’انھوں نے ہندوستانی کی ترقی کے سفر کے اہم مرحلے پر نہایت موثر قیادت کی۔‘‘
وزیر اعظم مودی نے مزید کہا کہ ’’ان کی ذہانت، علم اور علم دوستی کی بھی بڑے پیمانے پر تعریف کی جاتی ہے۔‘‘ اس دوران مرکزی وزیر منوہر لال کھٹر نے بھی ہندوستانی معیشت کو ایک نئی سمت دینے کے لیے پی وی نرسمہا راؤ کی تعریف کی اور کہا کہ ’’مقبول سیاست دان اور ہندوستان کے سابق وزیر اعظم ’بھارت رتن‘ پی وی نرسمہا راؤ کو ان کی یوم پیدائش پر بہت بہت سلام۔ ملک کی معیشت کو ایک نئی سمت دینے کے لیےان کی اختراعی کوششوں کے لیے انھیں ہمیشہ یاد رکھا جائے گا۔‘‘
دیگر سیاسی لیڈران نے بھی کیا پی وی نرسمہا راؤ کو یاد
دہلی کی وزیر اعلیٰ ریکھا گپتا نے بھی سابق وزیر اعظم کو ایک سچا محب وطن قرار دیتے ہوئے خراج عقیدت پیش کیا۔ انھوں نے کہا کہ ’’انھیں جدید معاشیات کی گہری سمجھ تھی۔‘‘ وہیں ہریانہ کے وزیر اعلیٰ نایاب سینی نے سابق وزیر اعظم کو معاشی اصلاحات کا معمار قرار دیا۔ انھوں نے لکھا کہ ’’بھارت کے سابق وزیر اعظم، بھارت رتن پی وی نرسمہا راؤ کو ان کی یوم پیدائش پر ڈھیروں سلام۔ وہ ایک دور اندیش سیاست دان، موثر منتظم اور اقتصادی اصلاحات کے معمار تھے، جن کی قیادت میں ہندوستان ایک نئی اقتصادی سمت کی طرف گامزن ہوا۔‘‘
بھارت ایکسپریس اردو
طلبہ کی تحریک کے درمیان انتظامیہ نے جاری کیا حکم، 15 مئی 2027 تک طلبہ…
36ویں سالگرہ پر ہندوستان کی اسٹار نشانے باز کی متاثر کن کہانی، کامن ویلتھ گیمز،…
اقوام متحدہ کی جنرل اسمبلی میں امریکہ کی اقتصادی اور تجارتی پابندیاں ختم کرنے کی…
جواہر لعل نہرو اسٹیڈیم میں ’اورا انڈیا ٹور 2026‘ کے دوران 70 ہزار سے زائد…
اتر پردیش اے ٹی ایس نے انکت شنکھوار کو گرفتار کیا، لیپ ٹاپ سے تقریباً…
اتر پردیش کے گنگوہ علاقے کے گاؤں گجران میں واقع مسجد پر آسمانی بجلی گرنے…