قومی

PM attended the centenary celebrations of Acharya Vidyanand Ji: آچاریہ ودیانند جی مہاراج کی صد سالہ تقریب میں شامل ہوئے وزیر اعظم مودی، ‘دھرم چکرورتی’ کے اعزاز سے نوازا گیا

وزیر اعظم نریندر مودی نے وگیان بھون میں منعقد آچاریہ ودیانند جی مہاراج کی صد سالہ تقریب کا افتتاح کیا۔ اس موقع پر انہوں نے ایک یادگاری ڈاک ٹکٹ بھی جاری کیا۔ اس تقریب میں وزیراعظم مودی کو ‘دھرم چکرورتی’ کا خطاب دیا گیا۔ تقریب سے خطاب کرتے ہوئے وزیر اعظم نے کہا: آج ہم سب بھارت کی روحانی روایت کے ایک اہم موقع کے گواہ بن رہے ہیں۔ پوجنیہ آچاریہ ودیانند جی مونیراج کی جنم صد سالی کا یہ مبارک موقع، ان کی لازوال تحریکوں سے معمور یہ پروگرام ایک بے مثال حوصلہ افزا ماحول پیدا کر رہا ہے۔ میں آپ سب کو مبارکباد دیتا ہوں اور مجھے اس تقریب میں مدعو کرنے پر شکریہ ادا کرتا ہوں۔

آج ہی کے دن آچاریہ کا درجہ ملا تھا

وزیر اعظم نے کہا کہ آج کا دن ایک اور وجہ سے بھی خاص ہے، کیونکہ 28 جون 1987 کو اسی تاریخ پر آچاریہ ودیانند جی مونیراج کو “آچاریہ” کا درجہ دیا گیا تھا۔ یہ صرف ایک خطاب نہیں تھا، بلکہ جین روایت کو فکر، ضبط نفس اور ہمدردی سے جوڑنے والی ایک مقدس دھارا کا آغاز تھا۔

وزیر اعظم نے خطاب ماں بھارتی کے قدموں میں نذر کیا

انہوں نے کہا: آج مجھے ‘دھرم چکرورتی’ کا خطاب دیا گیا، میں اسے عاجزی کے ساتھ قبول کرتا ہوں اور ماں بھارتی کے قدموں میں نذر کرتا ہوں۔ ان کے الفاظ سادہ مگر پراثر ہوتے تھے، وہ ایک یگ پرش (عظیم شخصیت) اور یگ درشٹا (دور اندیش رہنما) تھے۔ وہ وقتاً فوقتاً مجھے رہنمائی بھی دیتے رہے، میں آج بھی ان کی محبت اور اپنائیت کو محسوس کر رہا ہوں۔”

وزیر اعظم کے 9 سنکلپ (عہد)

وزیراعظم نریندر مودی نے اپنے خطاب میں 9 عہد بھی پیش کیے:

پانی بچانے کا عہد – ہر بوند کی اہمیت کو سمجھنا ہوگا۔

ماں کے نام ایک درخت – درخت کو ایسے سینچیں جیسے ماں ہمیں سینچتی ہے۔

صفائی کا عہد – ہر محلہ صاف ستھرا ہو۔

لوکل کے لیے ووکل – اپنے وطن کی مٹی کی خوشبو سے جُڑی چیزیں خریدیں۔

بھارت کا درشن – دنیا ضرور دیکھیں، لیکن پہلے اپنے بھارت کو جانیں۔

قدرتی زراعت – زمین کو زہر سے آزاد کریں۔

صحت مند طرز زندگی – کھانے پینے میں ہوشیاری برتیں۔

کھیل اور یوگا – جسم اور دماغ کو متوازن رکھیں۔

غریبوں کی مدد – یہی اصل خدمت ہے۔

مودی: بھارت نے دنیا کو اہنسا کا پیغام دیا

انہوں نے مزید کہا: جب دنیا میں ہزاروں سالوں تک تشدد کو تشدد سے ختم کرنے کی کوششیں ہو رہی تھیں، تب بھارت نے دنیا کو ‘اہنسا’ (عدم تشدد) کی طاقت سے روشناس کرایا۔ ہم نے انسانیت کی خدمت کو اولین درجہ دیا۔ ہمارا عزم ہے کہ سب ساتھ چلیں، سب کو لے کر آگے بڑھیں۔

پراکرت کو شاستریہ (کلاسیکی) زبان کا درجہ ملا

وزیر اعظم نے پراکرت زبان کے بارے میں کہا: پراکرت بھارت کی قدیم ترین زبانوں میں سے ایک ہے۔ یہ بھگوان مہاویر کے اقوال کی زبان ہے، لیکن اپنی ثقافت سے غفلت برتنے والوں کی وجہ سے یہ زبان عام استعمال سے باہر ہونے لگی تھی۔ آچاریہ ودیانند جیسے سنتوں کی کوششوں کو ہم نے قومی کوشش بنایا۔ ہماری حکومت نے پراکرت کو ‘شاستریہ بھاشا’ (کلاسیکی زبان) کا درجہ دیا۔ ہم بھارت کی قدیم پانڈولپیوں (ہاتھ سے لکھی پرانی کتابوں) کو ڈیجیٹل بنانے کا بھی مہم چلا رہے ہیں۔

بھارت ایکسپریس اردو۔

Habiburrahman

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

6 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

7 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

7 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

7 hours ago