COP28: وزیر اعظم مودی نے قطر کے حکمران سے کی ملاقات، جانئے یہ ملاقات کیوں ہے اہم ؟

وزیر اعظم نریندر مودی نے جمعہ (2 دسمبر) کو قطر کے امیر شیخ تمیم بن حمد الثانی سے ملاقات کی اور دو طرفہ تعلقات پر تبادلہ خیال کیا۔ تیل سے مالا مال ملک میں ہندوستانی برادری کی فلاح و بہبود سے متعلق مختلف امور  پر بات ہوئی۔

 وزیراعظم  نے سوشل میڈیا پر لکھا ہم نے دو طرفہ شراکت داری کے امکان اور قطر میں ہندوستانی کمیونٹی کی فلاح و بہبود پر اچھی بات چیت کی۔

دونوں رہنماؤں کے درمیان یہ ملاقات ایک ایسے وقت میں ہوئی ہے جب قطر میں آٹھ سابق بھارتی میرینز کو سزائے موت سنائی گئی ہے۔ بھارتی حکومت ان لوگوں کو وطن واپس لانے کی کوشش کر رہی ہے اور اس نے سزا کے خلاف عدالت میں اپیل کی ہے۔

ہندوستان نے کیا کہا؟

بھارتی بحریہ کے آٹھ سابق اہلکاروں کو قطر کی ایک عدالت نے 26 نومبر کو موت کی سزا سنائی تھی۔ اس پر بھارتی وزارت خارجہ نے کہا تھا کہ وہ اس فیصلے سے حیران ہیں۔ اس پورے معاملے میں تمام قانونی آپشنز پر غور کیا جا رہا ہے۔