Environmental Protection: وزیراعظم مودی اور امت شاہ نے بھوپیندر یادو کو دی سالگرہ کی مبارکباد، موسمیاتی تبدیلی سے نمٹنے کیلئے ان کی خدمات کو سراہا

نئی دہلی: وزیراعظم نریندر مودی نے منگل کو مرکزی وزیر برائے ماحولیات، جنگلات اور موسمیاتی تبدیلی بھوپیندر یادو کو ان کی سالگرہ پر مبارک باد پیش کرتے ہوئے ماحولیات کے تحفظ اور پائیدار ترقی کے فروغ کے لیے ان کی مسلسل خدمات کی ستائش کی۔

وزیر اعظم نے نیک خواہشات کا اظہار کیا

وزیر اعظم نے سوشل میڈیا پلیٹ فارم ایکس پر اپنے پیغام میں کہا کہ بھوپیندر یادو نے حیاتیاتی تنوع کے تحفظ، جنگلات اور جنگلی حیات کے تحفظ اور موسمیاتی تبدیلی سے نمٹنے کے لیے بھارت کی کوششوں کو مضبوط بنانے میں اہم کردار ادا کیا ہے۔ انہوں نے بھوپیندر یادو کی اچھی صحت اور ملک کی مزید طویل عرصے تک خدمت کرنے کے لیے نیک تمناؤں کا اظہار بھی کیا۔

Best wishes to Union Minister Shri Bhupender Yadav Ji on his birthday. He is undertaking significant efforts towards boosting sustainability, conserving flora and fauna. He is also tirelessly working to eliminate the menace of climate change. My best wishes for his long and…

— Narendra Modi (@narendramodi) June 30, 2026

امت شاہ نے بھی دی مبارک باد

مرکزی وزیر داخلہ امت شاہ نے بھی بھوپیندر یادو کو سالگرہ کی مبارک باد دیتے ہوئے انہیں ایک باصلاحیت اور مخلص رہنما قرار دیا۔ انہوں نے کہا کہ بھوپیندر یادو نے مرکزی حکومت میں اپنی ذمہ داریاں نبھاتے ہوئے ماحولیات کے تحفظ اور موسمیاتی تبدیلی سے متعلق اقدامات میں قابل ذکر خدمات انجام دی ہیں۔

केन्द्रीय मंत्री श्री @byadavbjp जी को जन्मदिन की हार्दिक शुभकामनाएँ।

मोदी जी के नेतृत्व में पर्यावरण व जलवायु संरक्षण की दिशा में आप उल्लेखनीय कार्य कर रहे हैं। ईश्वर से आपके उत्तम स्वास्थ्य और दीर्घायु की कामना करता हूँ।

— Amit Shah (@AmitShah) June 30, 2026

بھوپیندر یادو کا سیاسی اور پیشہ ورانہ سفر

راجستھان کے الور سے رکن پارلیمنٹ بھوپیندر یادو 30 جون 1969 کو اجمیر میں پیدا ہوئے۔ وہ اس وقت مرکزی وزارتِ ماحولیات، جنگلات اور موسمیاتی تبدیلی کے وزیر ہیں۔ انہوں نے اپنے پیشہ ورانہ کیریئر کا آغاز وکالت سے کیا اور 2000 سے 2009 تک اکھل بھارتیہ ادھیوکتا پریشد کے جنرل سکریٹری رہے۔

بی جے پی میں اہم ذمہ داریاں

بھوپیندر یادو 2010 میں بھارتیہ جنتا پارٹی کے قومی سکریٹری مقرر ہوئے، جبکہ 2014 میں انہیں پارٹی کا قومی جنرل سکریٹری بنایا گیا۔ انہوں نے مہاراشٹر، مدھیہ پردیش، منی پور، بہار، جھارکھنڈ اور راجستھان سمیت کئی اہم اسمبلی انتخابات میں پارٹی کی انتخابی حکمت عملی کی نگرانی کی۔ اس کے علاوہ 2019 کے لوک سبھا انتخابات میں بھی بی جے پی کی انتخابی مہم کے انتظام میں اہم کردار ادا کیا۔ سیاسی سرگرمیوں کے علاوہ بھوپیندر یادو متعدد کتابوں کے مصنف بھی ہیں۔ ان کی معروف کتابوں میں ’’دی رائز آف دی بی جے پی‘‘ اور ’’سپریم کورٹ آن فاریسٹ کنزرویشن‘‘ شامل ہیں۔ وہ نظم و نسق، ماحولیاتی پالیسی اور قانونی امور پر اخبارات اور ڈیجیٹل پلیٹ فارمز میں باقاعدگی سے مضامین بھی تحریر کرتے ہیں۔

بھارت ایکسپریس اردو۔