Delhi Ordinance 2023: دہلی کے افسران کی ٹرانسفر پوسٹنگ سے متعلق آرڈیننس کو مودی کابینہ نے دی منظوری، جلد ہی پارلیمنٹ میں کیا جائے گا پیش

دہلی کے افسران کی ٹرانسفر پوسٹنگ سے متعلق آرڈیننس کو مودی کابینہ نے منظوری دے دی ہے۔ مرکزی حکومت اس بل کو مانسون اجلاس میں پیش کر سکتی ہے۔ مرکزی حکومت نے یہ آرڈیننس 19 مئی کو جاری کیا تھا۔ منگل کی شام پی ایم مودی کی صدارت میں ہوئی مرکزی کابینہ کی میٹنگ میں اس آرڈیننس کو منظوری دی گئی۔ ذرائع نے بتایا کہ آرڈیننس کی جگہ ایک بل پارلیمنٹ کے جاری مانسون اجلاس میں پیش کئے جانے کی امید ہے۔ بتا دیں کہ جب پارلیمنٹ کا اجلاس نہیں چل رہا ہوتا ہے تو مرکزی کابینہ کی سفارش پر صدر جمہوریہ کی طرف سے آرڈیننس جاری کیا جاتا ہے۔ پارلیمنٹ کے لیے اگلے اجلاس کے آغاز کے چھ ہفتوں کے اندر آرڈیننس کو تبدیل کرنے کے لیے قانونی طور منظور کرنا لازمی ہے۔

مرکزی حکومت اور دہلی حکومت آمنے سامنے

بتا دیں کہ دہلی کا باس کون ہے؟ اس معاملے میں مرکزی حکومت اور دہلی حکومت آمنے سامنے ہیں۔ لڑائی سپریم کورٹ تک پہنچ گئی۔ سپریم کورٹ نے دہلی حکومت کے حق میں فیصلہ دیا۔ ٹھیک ایک ہفتہ بعد، 19 مئی کو، مرکزی حکومت نے متنازعہ دہلی آرڈیننس جاری کر دیا۔ جسے آج مودی کابینہ سے منظوری مل گئی ہے۔ اگر سب کچھ ٹھیک رہا تو مودی حکومت اسے لوک سبھا کے بعد راجیہ سبھا میں پاس کروا کر قانون کی شکل دے گی۔

سپریم کورٹ کے فیصلے کے خلاف مرکز کا آرڈیننس

بتا دیں کہ 11 مئی کو سپریم کورٹ کے فیصلے سے پہلے دہلی حکومت کے تمام افسران کی ٹرانسفر پوسٹنگ لیفٹیننٹ گورنر کے ایگزیکٹیو کنٹرول میں تھی۔ کیجریوال کی عام آدمی پارٹی نے آرڈیننس کے خلاف سخت ردعمل ظاہر کرتے ہوئے کہا کہ مرکز نے دہلی کے لوگوں کو “دھوکہ” دیا ہے۔ کانگریس اور کئی دیگر اپوزیشن پارٹیاں بھی آرڈیننس کے خلاف میدان میں آگئی ہیں۔ کجریوال نے پارٹی کے زیر اقتدار پنجاب کے وزیر اعلی بھگونت مان کے ساتھ غیر این ڈی اے کی حکمرانی والی بیشتر ریاستوں کا دورہ کیا اور قانون کے خلاف ان کی حمایت حاصل کرنے کے لیے اپوزیشن لیڈران سے ملاقات کی۔

یہ بھی پڑھیں: محکم انکم ٹیکس نے ایک لاکھ ٹیکس دہندگان کو بھیجا نوٹس، وزیرخزانہ نے بتائی وجہ

بھارت ایکسپریس۔