جموں و کشمیر کے بانڈی پورہ میں انکاؤنٹر
سری نگر: جموں و کشمیر کے بانڈی پورہ ضلع میں پیر کے روز سیکورٹی فورسز کے ساتھ جاری تصادم میں ایک ملی ٹینٹ مارا گیا۔ حکام نے بتایا کہ ملی ٹینٹوں کی موجودگی کے بارے میں خفیہ اطلاع ملنے کے بعد، سیکورٹی فورسز نے پیر کی صبح بانڈی پورہ ضلع کے آراگام گاؤں کو گھیرے میں لے لیا۔
انہوں نے کہا، “سیکیورٹی فورسز نے چھپے ہوئے ملی ٹینٹوں کو گھیرے میں لے لیا، جس کے بعد انہوں نے فائرنگ شروع کر دی۔ اب تک انکاؤنٹر میں ایک ملی ٹینٹ مارا گیا ہے۔ مارے گئے ملی ٹینٹ کی شناخت کی جا رہی ہے۔ علاقے میں آپریشن ابھی بھی جاری ہے۔”
بتا دیں کہ اس سے قبل گاؤں میں علی الصبح کچھ گولیوں کی آوازیں سنی گئیں۔ حکام نے بتایا کہ “اس کے فوراً بعد سیکورٹی فورسز نے علاقے کو گھیرے میں لے کر تلاشی شروع کر دی۔ علاقے میں تلاشی آپریشن کے دوران کچھ دیر بعد فائرنگ رک گئی۔”
سی ڈی ایس کریں گے اہم میٹنگ
جموں خطہ میں یکے بعد دیگرے دہشت گردی کے چار واقعات کے بعد چیف آف ڈیفنس اسٹاف جنرل انیل چوہان آج جموں میں سیکورٹی صورتحال کا جائزہ لیں گے۔ وہ نگروٹا میں وائٹ نائٹ کور کے ساتھ اہم میٹنگوں کی صدارت بھی کر سکتے ہیں۔
مرکزی وزیر داخلہ امت شاہ نے اتوار کے روز سیکورٹی فورسز کو مرکز کے زیر انتظام علاقے میں دہشت گردی کو کچلنے اور ہموار، محفوظ اور واقعات سے پاک امرناتھ یاترا کو یقینی بنانے کی ہدایت دی تھی۔ مرکز کی سخت ہدایات کے مد نظر سیکورٹی فورسز کی جانب سے آنے والے دنوں میں جموں و کشمیر میں ملی ٹینٹوں اور ان کے حامیوں کے خلاف بڑے پیمانے پر انسداد دہشت گردی آپریشن شروع کرنے کی امید ہے۔
بھارت ایکسپریس۔
وزیر اعظم مودی نے کہا کہ عالمی کھیلوں کے میدان میں ہندوستان کی شناخت مسلسل…
وزیر اعظم کے مجوزہ بہار دورے اور پروگرام کی تیاریوں کے سلسلے میں جمعرات کو…
ڈاکٹر کا الزام ہے کہ فلیٹ میں اتولیا سمیت 12 افراد موجود تھے۔ جیسے ہی…
نیپال کے دارالحکومت کھٹمنڈو میں جمعرات کے روز بھارت کے خارجہ سکریٹری وکرم مسری نے…
یو پی ایس سی نے واضح کیا ہے کہ انٹرویو کی تاریخ یا وقت میں…
وزیراعظم مودی کے نام لکھے گئے خط میں ماہر تعلیم اور ممتاز دانشور پروفیسر اخترالواسع…