Omar Abdullah-Payal Divorce Case: عمرعبداللہ کو نہیں مل رہا طلاق، سپریم کورٹ نے اہلیہ پائل کو بھیجا نوٹس

اس سے پہلے دہلی ہائی کورٹ نے نیشنل کانفرنس کے لیڈر عمرعبداللہ کو ہدایت دی تھی کہ وہ ہرماہ 1.5 لاکھ روپئے پائل کو عبوری دیکھ بھال کے طور پرادا کریں۔ اس کے علاوہ انہیں اپنے دونوں بیٹوں کی تعلیم کے لئے ہرماہ 60 ہزار روپئے ادا کرنے کی بھی ہدایت کی گئی۔ عدالت نے یہ حکم پائل اورجوڑے کے بیٹوں کی درخواستوں پردیا تھا۔ درخواست 2018 کے ٹرائل کورٹ کے اس حکم کے خلاف دائرکی گئی تھی، جس میں انہیں لڑکے کے بالغ ہونے تک بالترتیب 75,000 روپئے اور 25,000 روپئے کی عبوری دیکھ بھال ادا کرنے کا حکم دیا گیا تھا۔

عمرعبداللہ اپنی اہلیہ سے 15 سالوں سے رہتے ہیں الگ؟

عمر عبداللہ نے ہائی کورٹ میں دلیل دی تھی کہ وہ بچوں کی دیکھ بھال کی اپنی ذمہ داری پوری کر رہے ہیں اوران کی بیوی مسلسل ان کی اصل مالی حالت کوغلط بیان کررہی ہے۔ فیملی کورٹ نے عمرکوطلاق دینے سے انکارکردیا تھا۔ فیملی کورٹ نے اگست 2016 میں طلاق کی درخواست مستردکردی تھی۔ عمرعبداللہ نے ستمبر2016 میں دہلی ہائی کورٹ میں اپیل دائرکی تھی۔ عمرعبداللہ اورپائل عبداللہ کی شادی 1994 میں ہوئی تھی۔ عمرعبداللہ کے مطابق وہ 2009 سے الگ رہ رہے ہیں۔