نیٹ یوجی-2024 پیپرلیک معاملے میں سپریم کورٹ کا فیصلہ آگیا ہے۔ عدالت نے کہا ہے کہ نیٹ یوجی امتحان منسوخ نہیں ہوگا۔ اس معاملے میں سالسٹر جنرل تشارمہتا نے مرکزی حکومت اور این ٹی اے کی طرف سے دلیلیں پیش کیں۔ سبھی فریق کوسننے کے بعد عدالت نے امتحان منسوخ نہ کرنے کا فیصلہ سنایا ہے۔ فیصلہ پڑھنے کے دوران چیف جسٹس ڈی وائی چندرچوڑ نے کہا کہ مرکزی حکومت، نیشنل ٹیسٹنگ ایجنسی (این ٹی اے) نے اپنی باتیں رکھیں۔ سی بی آئی کے ایڈیشنل ڈائریکٹرنے بھی عدالت کی مدد کی۔ چیف جسٹس نے کہا کہ یہ معاملہ بڑی تعداد میں طلبا کو متاثرکرنے والا ہے۔
انہوں نے کہا کہ ہم اس نتیجہ پرپہنچے ہیں کہ پیپرلیک ہزاری باغ میں ہوا اورپٹنہ تک چلا۔ حکم پڑھتے ہوئے انہوں نے کہا کہ سی بی آئی نے کہا ہے کہ اب تک ہزاری باغ اورپٹنہ کے 155 طلباء فائدہ اٹھانے والے طلباء کے طور پرسامنے آئے ہیں۔ چیف جسٹس نے کہا کہ تفتیش ابھی تک ادھوری ہے۔ ہم نے مرکزسے جواب بھی طلب کیا تھا کہ 4750 مراکزمیں سے کہاں کہاں بے ضابطگیاں ہوئیں۔ آئی آئی ٹی مدراس نے بھی اس معاملے کا جائزہ لیا۔ اب تک دستیاب مواد کی بنیاد پریہ نتیجہ اخذ نہیں کیا جا سکتا کہ امتحان کا تقدس پوری طرح متاثرہوا ہے۔
سپریم کورٹ نے کہا کہ ہم نے اس سال کے نتائج کا موازنہ گزشتہ تین سال کے اعدادوشمارسے بھی کیا۔ اس سے بھی ایسا نہیں لگا کہ بڑے پیمانے پرگڑبڑی ہے۔ انہوں نے کہا کہ ہم چاہتے ہیں کہ غلط طریقہ اپنانے والا کوئی بھی طالب علم فائدہ نہ اٹھاسکے، نہ مستقبل میں داخلہ پاسکیں۔ انہوں نے کہا کہ ہم مانتے ہیں کہ دوبارہ امتحان کا 20 لاکھ سے زیادہ طلبا پر برے اثرات ہوں گے۔ اکیڈمک سیشن خراب ہوجائے گا اور پڑھائی میں تاخیرہوگی۔
بھارت ایکسپریس–
پولیس کے مطابق حراست میں لیے گئے تینوں لڑکے دو پہیہ گاڑی پر سوار تھے…
دہلی ایف سی، ای بی ایف سی اور انور علی نے پی ایس سی کے…
کانگریس نے جموں و کشمیر کو ریاست کا درجہ بحال کرنے کے لیے مرکزی حکومت…
یہ نیا اقدام 2026 میں شروع ہوگا اور تارکین وطن کو 350,000 سویڈش کرونر (تقریباً…
پٹیل نے اپنی انسٹا اسٹوری پر ایک اسکرین شاٹ شیئر کیا ہے ،جس میں ٹکٹ…
سوربھ بھردواج نے کہا کہ ون ٹو ون میٹنگ ہوئی ہے، اس لیے کسی کو…