Har Ghar Tiranga: پی ایم مودی نے ہر گھر  ترنگا لہرانے  کے لئے لوگوں سے کی اپیل، ڈاک خانوں میں بھی فروخت کیا جائے گا قومی ترنگا

Har Ghar Tiranga:ملک میں آزادی کا امرت جشن منایا جا رہا ہے۔ ہر قسم کی تقریبات اور پروگرام منعقد کیے جا رہے ہیں۔ ایک سال قبل ملک میں آزادی کے امرت مہوتسو کے موقع پر 15 اگست کو ‘ہر گھر ترنگا’ مہم شروع کیا گیا تھا ۔

ملک کے یوم آزادی میں کچھ ہی دن باقی ہیں یعنی    تیرہ دن باقی ہیں  اور سال 2022 کی طرح اس سال بھی مرکزی حکومت ہر گھر پر ترنگا مہم چلا رہی ہے۔ اس کے تحت قومی پرچم کو ملک کے دور دراز کونے تک پہنچانے کو یقینی بنانے کے لیے حکومت کی جانب سے ہندوستانی محکمہ ڈاک کو یہ کام سونپا گیا ہے۔ گزشتہ سال، آزادی کا امرت مہوتسو (AKAM) کے زیراہتمام، حکومت ہند نے ہر گھر ترنگا مہم شروع کی ہے  اور محکمہ ڈاک (DOP) نے اس مہم کو انجام تک پہنچایا۔

اس بار بھی ہر گھر میں ترنگا مہم چلائیں

پی ایم مودی نے کہا کہ گزشتہ سال یوم آزادی کے موقع پر جس طرح پورا ملک ‘ہر گھر ترنگا مہم ‘ کے لیے  متحد ہوا تھا۔ اسی طرح اس بار بھی ہمیں ہر گھر پر ترنگا لہرانا ہےاور اس روایت کو جاری رکھنا ہے۔ ان کوششوں سے ہمیں اپنے فرائض کا احساس ہوگا، ہمیں وطن کی آزادی کے لیے دی گئی لاتعداد قربانیوں کا احساس ہوگا، ہمیں آزادی کی قدر کا احساس ہوگا۔ اس لیے ہر اہل وطن کو ان کوششوں میں شامل ہونا چاہیے۔

ہر گھر ترنگا ابھیان کا انعقاد 13 سے 15 اگست 2023 کے درمیان کیا جائے گا

اس سال بھی حکومت 13 سے 15 اگست 2023 کے درمیان ‘ہر گھر ترنگا مہم ‘ کا انعقاد کر رہی ہے۔ ملک میں 1.6 لاکھ ڈاک خانوں کے بڑے نیٹ ورک سے فائدہ اٹھانے اور مہم کے تحت ملک کے تمام ڈاک خانوں میں ہندوستانی پرچم فروخت کرنے کا فیصلہ کیا گیا ہے۔

انڈیا پوسٹ کے 1.6 لاکھ پوسٹ آفس میں جلد ہی ترنگے جھنڈوں کی فروخت شروع ہو جائے گی۔ لوگ اپنے قریبی پوسٹ آفس جا کر جھنڈا خرید سکتے ہیں۔ اس کے علاوہ قومی پرچم کو محکمہ ڈاک کی ای پوسٹ آفس سہولت (www.epostoffice.gov.in) کے ذریعے بھی خریدا جا سکتا ہے۔

بھارت ایکسپریس