NIA Chargesheet Terrorist: این آئی اے نے 3 خالصتان حامی دہشت گردوں کے خلاف چارج شیٹ داخل کی، کارندوں کا پھیلایا تھا نیٹ ورک، کئی انکشافات

NIA Chargesheet Terrorist:این آئی اے نے اتوار (23 جولائی) کو ممنوعہ خالصتان حامی تنظیموں ببر خالصہ انٹرنیشنل اورخالصتان ٹائیگر فورس سے تعلق رکھنے والے تین دہشت گردوں کے خلاف چارج شیٹ داخل کی۔ چارج شیٹ میں ایجنسی نے ہندوستان میں دہشت گردانہ سرگرمیوں کے لیے بھرتی اور کارروائیوں میں ملوث تین دہشت گردوں کے بین الاقوامی روابط کا انکشاف کیا ہے۔ حکام نے بتایا کہ دہشت گرد ہرویندر سنگھ سندھو اور لکھبیر سنگھ سندھو کا تعلق بی کے آئی سے ہے جبکہ ارشدیپ سنگھ کا تعلق کے ٹی ایف سے ہے۔  این آئی اے کے مطابق یہ تینوں افراد بیرون ملک مقیم ہیں اور انہوں نے ہندوستان میں دہشت گردانہ سرگرمیوں کو انجام دینے کے لیے اپنا نیٹ ورک قائم کیا ہے۔ اس کے پاکستان اور دیگر ممالک میں منشیات کے اسمگلروں اور خالصتان کے حامیوں سے روابط ہیں۔

این آئی اے نے چھ دیگر ساتھیوں کے نام بھی شامل کئے

دہلی کی ایک خصوصی عدالت میں داخل کی گئی چارج شیٹ میں ممنوعہ تنطمیوں  کے لیے کام کرنے والے چھ دیگر ساتھیوں کا نام بھی شامل ہے۔ جس میں دونوں اداروں کے لیے فنڈز اکٹھا کرنے کا ایک پیچیدہ نظام بھی بیان کیا گیا ہے۔ این آئی اے بی کے آئی اور کے ٹی ایف سے جڑے 16 دیگر مفرور اور گرفتار ملزمان کے تعلق کی بھی تحقیقات کر رہی ہے۔

ہرویندر سنگھ سندھو پاکستان فرار ہو گئے تھے

مرکزی ملزموں میں سے ایک، ہرویندر سنگھ سندھو عرف رندا ایک سابق گینگسٹر ہے جو اب بی کے آئی  کا ایک اہم رکن ہے۔ وہ 2018-19 میں غیر قانونی طور پر پاکستان فرار ہو گیا تھا اور اس وقت پاکستان کی خفیہ ایجنسی آئی ایس آئی کی حفاظت میں وہاں رہ رہا ہے۔ رندا بی کے آئی کا بہت اہم رکن ہے اور بھارت کے خلاف دہشت گردانہ کارروائیوں میں ملوث ہے۔ رندا کو حکومت ہند نے 2023 میں ‘ دہشت گرد’ قرار دیا تھا۔ جبکہ لکھبیر سنگھ سندھو  شروع میں مجرمانہ اور گینگسٹر سرگرمیوں میں ملوث تھا، بعد میں کینیڈا چلا گیا اور وہاں سے اپنی سرگرمیاں جاری رکھی۔ وہ  دہشت گرد ہرویندر سنگھ سندھو کے ساتھ شامل ہوا اور بی کے آئی  کا ممبر بن گیا۔

ارشدیپ سنگھ ہندوستان کا بدنام زمانہ گینگسٹر تھا

ایک اور ملزم ارشدیپ سنگھ عرف عرش ڈالا ہندوستان کا بدنام زمانہ گینگسٹر تھا۔ وہ کینیڈا گیا جہاں اس کا رابطہ کے ٹی ایف کے سربراہ ہردیپ سنگھ نجار سے ہوا۔ این آئی اے کے مطابق اس نے نوجوانوں کو بھرتی کیا اور بھتہ خوری اور ٹارگٹ کلنگ کو انجام دینے کے لیے دہشت گرد گروہ بنائے۔