Lok Sabha Election Result: نونیت رانا کے شوہر نے ادھو ٹھاکرے کو لے کر کیا بڑا دعویٰ، کہا- 4 جون کے بعد پندرہ دن میں مودی حکومت میں ہوں گے شامل

Lok Sabha Election Result: مہاراشٹر کے امراوتی سے بڈنیرا کے ایم ایل اے روی رانا نے ادھو ٹھاکرے کو لے کر بڑا دعویٰ کیا ہے۔ انہوں نے کہا کہ مہاراشٹر کے سابق وزیر اعلیٰ اور شیو سینا (یو بی ٹی) کے صدر ادھو ٹھاکرے منگل (4 جون) کو لوک سبھا انتخابات کے نتائج کا اعلان ہونے کے 15 دنوں کے اندر وزیر اعظم نریندر مودی کی حکومت میں شامل ہو جائیں گے۔

نونیت رانا نے آزاد حیثیت سے جیتا تھا الیکشن

روی رانا کی بیوی اور امراوتی سے سبکدوش ہونے والی ایم پی نونیت رانا نے اس بار بھارتیہ جنتا پارٹی کے ٹکٹ پر اس سیٹ سے لوک سبھا الیکشن لڑا ہے۔ انہوں نے 2019 کے انتخابات میں بطور آزاد امیدوار کامیابی حاصل کی تھی۔

15 دن کے اندر مودی حکومت میں شامل ہوں گے ادھو

امراوتی ضلع کے بڈنیرا سے ایم ایل اے روی رانا نے کہا، ”میں پورے اعتماد کے ساتھ کہہ سکتا ہوں کہ مودی جی کے وزیر اعظم بننے کے 15 دنوں کے اندر ادھو ٹھاکرے ان کی حکومت میں ہوں گے اور آنے والا وقت مودی جی کا ہے، ادھو ٹھاکرے یہ جانتے ہیں۔ ”

بی پی کی دوا اپنے پاس رکھیں اپوزیشن لیڈر

انہوں نے کہا کہ “مہاراشٹر میں مہا وکاس اگھاڑی (ایم وی اے) کے رہنماؤں کو بلڈ پریشر کی دوا اور ڈاکٹروں کو اپنے ساتھ رکھنا چاہئے کیونکہ ان میں سے زیادہ تر 4 جون کو گنتی کے دن بیمار پڑ جائیں گے۔”

یہ بھی پڑھیں- Lok Sabha Election 2024: لوک سبھا الیکشن کے نتائج سے پہلے بی جے پی پرسماجوادی پارٹی کے سربراہ اکھلیش یادوکا بڑا الزام، کہا- بی جے پی نے اپنے وزرا سے نازیبا الفاظ کہلوائے

ایم وی اے ادھو ٹھاکرے کی قیادت والی شیو سینا، کانگریس اور شرد پوار کی قیادت والی نیشنلسٹ کانگریس پارٹی پر مشتمل ہے۔ روی رانا نے یقین ظاہر کیا کہ ان کی اہلیہ نونیت رانا امراوتی لوک سبھا سیٹ سے دو لاکھ سے زیادہ ووٹوں کے فرق سے جیت جائیں گی۔

-بھارت ایکسپریس