Jantar Mantar Protest: اب کیریئر بنتا نظر نہیں آرہا ہے، شادی ہی کر لو، دلہن کے لباس میں جنتر منتر پہنچی طالبہ، ویڈیو وائرل

نئی دہلی :دہلی کے جنتر منتر پر کاکروچ جنتا پارٹی (سی جے پی) کی قیادت میں جاری احتجاج کے دوران ایک طالبہ دلہن کے لباس میں پہنچ گئی، جس کی ویڈیو سوشل میڈیا پر تیزی سے وائرل ہو رہی ہے۔ احتجاج کے اس منفرد انداز نے نہ صرف وہاں موجود لوگوں بلکہ سوشل میڈیا صارفین کی بھی توجہ اپنی جانب مبذول کر لی۔جنتر منتر پر گزشتہ چند روز سے جاری احتجاج میں مظاہرین مختلف علامتی طریقوں سے اپنا پیغام پہنچانے کی کوشش کر رہے ہیں۔ نعروں اور پوسٹروں کے ساتھ ساتھ انسٹاگرام ریلز اور مختصر ویڈیوز کے ذریعے بھی نوجوان اپنی آواز لاکھوں لوگوں تک پہنچا رہے ہیں۔ انہی میں سے دلہن کے لباس میں ملبوس ایک طالبہ کی ویڈیو سب سے زیادہ زیر بحث ہے۔ویڈیو میں طالبہ سرخ عروسی جوڑا، مکمل دلہن کے سنگھار اور ہاتھ میں احتجاجی پیغام لیے نظر آتی ہے۔ جب اس سے پوچھا گیا کہ وہ دلہن کے لباس میں احتجاج کے لیے کیوں آئی ہے تو اس نے کہا کہ یہ صرف ایک لباس نہیں بلکہ نوجوانوں کے درد اور مایوسی کی علامت ہے۔

दिल्ली के जंतर-मंतर पर चल रहे प्रदर्शन के दौरान एक युवती दुल्हन की पोशाक में विरोध प्रदर्शन करती नजर आई। वहीं, ‘कुचू-पुचू’ लिखा बैनर भी लोगों का ध्यान आकर्षित करता दिखा। प्रदर्शन का यह अनोखा अंदाज सोशल मीडिया पर तेजी से वायरल हो रहा है और इसे लेकर अलग-अलग प्रतिक्रियाएं सामने आ… pic.twitter.com/mIoacIYJXq

— State Mirror Hindi (@statemirrornewz) July 24, 2026

طالبہ نے کہا کہ بار بار پیپر لیک اور امتحانات سے متعلق تنازعات نے نوجوانوں کے مستقبل کو غیر یقینی بنا دیا ہے۔ ویڈیو میں وہ کہتی ہے، “اب کیریئر بنتا نظر نہیں آتا، اس لیے شادی ہی کر لو، لڑکیوں سے یہی کہا جا رہا ہے۔”اس کے مطابق جب سخت محنت کے باوجود امتحانات متنازع ہو جائیں اور بھرتی کے عمل متاثر ہوں تو نوجوانوں کا نظام پر اعتماد ٹوٹنے لگتا ہے۔ اس نے کہا کہ مسلسل پیپر لیک کے واقعات نے لاکھوں طلبہ کے خوابوں کو متاثر کیا ہے۔

سی جے پی کے احتجاج کے دوران سامنے آنے والی ایسی ویڈیوز یہ بھی ظاہر کرتی ہیں کہ موجودہ “جنریشن زیڈ” صرف سڑکوں پر احتجاج تک محدود نہیں بلکہ سوشل میڈیا کو بھی اپنی آواز بلند کرنے کا مؤثر ذریعہ بنا رہی ہے۔ ہر پوسٹر، ہر نعرہ اور ہر علامتی احتجاج چند ہی لمحوں میں لاکھوں لوگوں تک پہنچ رہا ہے، جس کی وجہ سے جنتر منتر کا یہ احتجاج اب صرف احتجاجی مقام تک محدود نہیں رہا بلکہ ڈیجیٹل پلیٹ فارمز پر بھی مسلسل موضوعِ بحث بنا ہوا ہے۔

بھارت ایکسپریس اردو