قومی

Modi Govt Announces Relief for Karnataka Mango Farmers: مودی حکومت نے گرتی قیمتوں سے پریشان کرناٹک کے آم کے کسانوں کے لیے معاوضے کا کیا اعلان کیا، وزیر خوراک پرہلاد جوشی نے ادا کیا پی ایم مودی کا شکریہ

مودی حکومت نے ریاست کرناٹک کے آم کے کسانوں کے لیے ’’قیمت کم، ادائیگی زیادہ‘‘ (پی ڈی پی ایس) کے تحت معاوضے کا اعلان کیا ہے، جو آم کی قیمتوں میں گراوٹ کی وجہ سے مشکلات کا شکار ہیں۔ یہ رقم مرکز اور ریاستی حکومت کی طرف سے مشترکہ طور پر دی جائے گی۔ مرکزی زراعت اور کسانوں کی بہبود کے وزیر شیوراج سنگھ چوہان نے سوشل میڈیا پر پوسٹ کرتے ہوئے بتایا کہ ’’کرناٹک میں آم کی گرتی ہوئی مارکیٹ قیمت سے پیدا ہونے والی صورت حال کو دیکھتے ہوئے، مرکزی حکومت نے یہ یقینی بنانے کے لیے ایک اہم فیصلہ کیا ہے کہ کسانوں کو ان کی پیداوار کی مناسب قیمت ملے۔‘‘

کسانوں کو نہ ہو نقصان

مرکزی وزیر شیوراج سنگھ چوہان نے کہا کہ ’’میں نے کرناٹک کے وزیر زراعت این چیلوواریا سوامی کے ساتھ اس معاملے پر تفصیلی بات چیت کی ہے۔ اس بات پر اتفاق کیا گیا ہے کہ کسانوں کو تقریباً 2.5 لاکھ میٹرک ٹن آم کے لیے ’’قیمت کم، ادائیگی زیادہ اسکیم‘‘ کے تحت معاوضہ دیا جائے گا۔ انھوں نے مزید کہا کہ ’’وزیر اعظم نریندر مودی کی قیادت میں کسانوں کی فلاح و بہبود مرکزی حکومت کی اولین ترجیح ہے۔ ہماری حکومت ہر حال میں کسانوں کے ساتھ مضبوطی سے کھڑی ہے۔ کسانوں کو ان کی محنت کی پوری قیمت دلوانا ہمارا غیر متزلزل ہدف ہے۔‘‘

مرکزی وزیر پرہلاد جوشی نے ادا کیا حکومت کا شکریہ

دریں اثنا مرکزی خوراک، عوامی تقسیم اور صارفین کے امور کے وزیر پرہلاد جوشی نے کرناٹک میں آم کے کسانوں کو معاوضہ دینے کی یقین دہانی پر مرکزی حکومت کا شکریہ ادا کیا ہے۔ مرکزی وزیر جوشی نے سوشل میڈیا پلیٹ فارم ’ایکس‘ پر کہا کہ ’’وزیر اعظم نریندر مودی کی دور اندیش قیادت اور مرکزی زراعت اور کسانوں کی بہبود کے وزیر شیوراج چوہان کی فعال کوششوں کی وجہ سے، کرناٹک میں آم کے کاشتکاروں کو مارکیٹ میں اتار چڑھاؤ کے باوجود مناسب معاوضہ کا یقین دلایا گیا ہے۔‘‘

انھوں نے مزید کہا کہ ’’یہ اقدام ہمارے کسانوں کی فلاح و بہبود کے لیے حکومت کے عزم کی تصدیق کرتا ہے۔ ہم اس حمایت کے لیے شکریہ ادا کرتے ہیں۔‘‘ واضح رہے کہ 13 جون کو کرناٹک کے وزیر اعلیٰ سدارامیا نے مرکزی وزیر زراعت شیوراج سنگھ چوہان سے ریاست کے آم کے کسانوں کے لیے فوری طور پر معاوضے کا مطالبہ کیا تھا۔

بھارت ایکسپریس اردو

Bharat Express

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

5 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

7 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

7 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

7 hours ago